پاکستان میں جاپان کے سفیر عزت مآب کینو نوری متسودا کی وزیر داخلہ شیخ رشید احمد سے ملاقات پاکستان اور جاپان کے درمیان تعلقات کے فروغ اور باہمی دلچسپی کے دیگر امور پر بات چیت کی گئ وزیر داخلہ شیخ رشید احمد نے پاکستان کی اقتصادی اور سماجی ترقی میں جاپان کے کردار کی تعریف کی
شیخ رشید احمد نے کہا کہ پاکستان اور جاپان کے تعلقات دیرینہ ہے۔جاپان نےمشکل حالات میں بھی ہمیشہ پاکستان کی مدد کی ہے۔ کرونا کی وبا کے خلاف جاپانی مدد پر حکومت کے شکر گزار ہیں
جاپانی سفیر نے کہا کہ پاکستان میں امن وامان سے متعلق اقدامات کو سراہتے ہیں۔پاکستان کی ترقی کے لئے پر امید ہیں۔
جاپانی سفیر کی آئی سی ٹی کی سکیورٹی اور پولیس چیک پوسٹوں کے حوالے سے حالیہ اقدامات کی تعریف کی ، غیر ضروری چیک پوسٹیں ختم کرنے سے عوام کی آمدورفت میں سہولیات پیدا ہوئی ہیں۔
وزیر داخلہ شیخ رشید احمد نے کہا کہ پاکستان اور جاپان کے درمیان قانون نافذ کرنے والے ادارواں کے درمیان تعاون بڑھانے کی ضرورت ہے۔ پولیس کی پیشہ وارانہ ٹریننگ کے حوالے سے جاپان کی حکومت سے تعاون لیں گے۔وزرات داخلہ کے مختلف منصوبوں میں جاپانی حکومت کے مالی اور تکنیکی تعاون پر مشکور ہیں شیخ رشید احمد نے مزید کہا کہ باہمی اشتراک بڑھانے کی مزید ضرورت ہے۔ایک دوسرے کے تجربات سے سیکھنے کی ضرورت ہے۔
