جاوید آفریدی UNHCR کے یوتھ ایمبیسیڈرمقرر،پاکستان کے نام ایک اوراعزاز

جنیوا:جاوید آفریدی UNHCR کے یوتھ ایمبیسیڈرمقرر،پاکستان کے نام ایک اوراعزاز،جاوید آفریدی نے کہا ہےکہ مہاجرین کے مسائل اور ان کے حل کے لیے زلمی فاونڈیشن بھی اقوام متحدہ کےساتھ مل کر اپنا کردار کرے گی ،

باغی ٹی وی کے مطابق اقوام متحدہ کے ادارہ برائے مہاجرین UNHCR نے پشاور زلمی کے چیرمین جاوید آفریدی کو یوتھ ایمبیسیڈر مقرر کردیاجنیوا میں منعقدہ RefugeeForum# کی تقریب میں UNHCRنے جاوید آفریدی کو پاکستان میں یوتھ ایمبیسیڈر بنانے کا اعلان کیاگیا۔

اقوام متحدہ کے ادارے برائے مہاجرین کے ڈائریکٹر ریجنل بیوریو ایشیا اینڈ پیسیفک اندریکا راٹوٹے نے کہا کہ جاوید آفریدی نوجوانوں کے رول ماڈل ہیں اور ان کے زریعے مہاجرین کے مسائل اور ان کے حل کی آگاہی میں بھرپور مدد ملے گی،

جاوید آفریدی نے کہا کہ ملک سے دور اور مسائل میں گھرے دنیا بھر کے مہاجرین کا مسئلہ حل طلب ہے اور انسانی ہمدردی کی بنیاد پر جہاں دنیابھر کے مہاجرین توجہ کے مستحق ہیں وہیں یہ اپنے ممالک کا بھی مستقبل ہے۔

جاوید آفریدی نے کہا کہ وہ پوری کوشش کریں گے مہاجرین کے مسائل کو اجاگر اور ان کے حل کے لیے اپنا فعال کردار ادا کریں۔ جاوید آفریدی نے اس موقع پر پچیس مہاجرین کو ملازمت فراہم کرنے کا اعلان کیا۔

انہوں نے کہا کہ پشاور زلمی فاونڈیشن کے زریعے مزید پچاس مہاجرین کوبھی تربیت فراہم کریں گے،دنیا بھر کے مہاجرین کے مسائل کو اجاگر اور حل کے لیے UNHCRکے تحت گلوبل رفیوجیز فورم جنیوا میں منعقد ہورہا ہے جس میں وزیر اعظم پاکستان عمران خان بھی شریک ہیں ۔

وزیر اعظم عمران خان نے کہا کہ دنیا بھر میں رفیو جیز کا مسئلہ سنجیدہ اور حل طلب ہے۔ انہوں نے پشاور زلمی کے چیرمین جاوید آفریدی کو مبارکباد دیتے ہوئے کہا جاوید آفریدی بطور یوتھ ایمبیسیڈر رفیوجیز کے مسائل اور ان کے حل کی آگاہی مہم میں پیش پیش رہیں گے ۔