سینئر اداکار جاوید شیخ نے اپنے حالیہ انٹرویو میں کہا ہےکہ میں کھانے پینےکے معاملے میںبہت احتیاط کرتا ہوں. مجھے اگر دو سلائس کی بھوک ہوتی ہے تو ایک سلائس کھاتا ہوں. انہوں نے کہا کہ میں مہمانوں کی خاطر مدارت بہت زیادہ کرتا ہوں اگر میرے گھر کسی نے آنا ہو تو میں ان کے لئے کھانا خود بناتا ہوں. جاوید شیخ نے مزید کہا کہ میں جنک فوڈ سے بہت پرہیز کرتا ہوں.کولڈ ڈرنکس نہیںپیتا. میں اگر شوٹنگ کے سلسلے میںباہر کے ملک میں جاتا ہوں تو میری کوشش ہوتی ہے کہ میںہوٹل میں رہنے کی بجائے کسی فلیٹ میں رہوں تاکہ میں فریش اور صحت مند کھانا بنا سکوں. انہوں نے کہا کہ انسان کو ہمیشہ اپنی صحت کو پہلے رکھنا چاہیے باقی سارے معاملات بعد کے ہونے چاہیں.
”جاوید شیخ نے مزید کہا کہ کھانے میںاحیتاط انسان کو بہت ساری بیماریوں سے نجات دلا سکتی ہے.” ہم اکثر کھانے پینے میںاحیتاط نہیں کرتے جسکی وجہ سے صحت کے مسائل پیدا ہوجاتے ہیں. انہوں نے کہا کہ پاکستان میں آج اچھی فلمیں بن رہی ہیں اچھا کام ہو رہا ہے. نئے لوگ بہت اچھا کام کررہے ہیں. سب ہی میرے پسندیدہ ہیں کسی ایک کا ایک نام لینا زیادتی ہوگی.
