پاکستان ڈرامہ انڈسٹری کی سینئیر اداکارہ سلمیٰ ظفر کا کہنا ہے کہ بعد جویریہ سعود پروڈکشن نےمجھے غلط ثابت کرنے کے لیے جعلی وڈیو بنوانے کی کوشش کی ہے-
باغی ٹی وی : تفصیلات کے مطابق سلمیٰ ظفر نے نجی چینل کو دئیے گئے انٹرویو میں جویریہ سعود سے اپنی رقم طلب کرنے کے لیے بنائی گئی ویڈیو سے متعلق کہا کہ برداشت کی بھی حد ہوتی ہے میں اپنا پیسہ مانگ مانگ کر تھک گئی تھی جس کے بعد میں نے انہیں میسج لکھا کہ جو میرے بقایاجات ہیں وہ مجھے دیے جائیں لیکن انہوں نے کوئی جواب نہیں دیا۔
سلمیٰ ظفر نے دوران انٹرویو بتایا کہ جویریہ کی جانب سے کو ئی رسہانس نہ ملنے کے بعد میں نے کہا کہ اگر آپ لوگوں نے پیسے واپس نہیں کئے تو میں ویڈیو بنا کر سوشل میڈیا پر ڈال دوں گی اوراُن سب لوگوں کو سامنے لے آؤں گی آپ کو جن کے پیسے دینے ہیں۔
سلمیٰ ظفر نے بتایا کہ کہ ویڈیو جاری کرنے کے بعد جویریہ سعود کی جانب سے مکمل طور پر تردید کی گئی اور انہوں نے دعوی کیا کہ مجھ سمیت سب کو ڈرامے کے معاوضہ ادا کر دیا گیا ہے-
اداکارہ نے بتایا کہ اپنی ویڈیو میں جب میں نے ٹیکنیشن اور دیگر عملے کے پیسوں سے متعلق کہا تو جویریہ سعود پروڈکشن کی جانب سے ان لوگوں کو راتوں رات چیک پہنچانا شروع کئے گئے اور انہیں کہا گیا کہ ویڈیو بنا کرسوشل میڈیا پر عام کریں لیکن عملے کے لوگوں نے منع کردیا۔
واضح رہے کہ ڈرامے یہ زندگی ہے میں 6 سال تک کام کرنے والی اداکارہ سلمیٰ ظفر نے الزام لگایا تھا کہ جویریہ اور سعود اپنے پروڈکشن ہاؤس میں کام کرنے والے فن کاروں اور دیگر عملے کو پیسوں کی ادائیگی نہیں کرتے۔ اس الزام کے بعد جویریہ سعود نے سینئر اداکارہ کے بیان کی نہ صرف تردید کی تھی بلکہ قانونی چارہ جوئی کرنے کا اعلان بھی کیا تھا۔