![Javeria-Saud](https://baaghitv.com/wp-content/uploads/2023/07/Javeria-Saud-905x613.jpg)
اداکارہ جویریا سعود نے حال ہی میں ایک وڈیو پیغام جاری کیا ہے جس میںانہوں نے اپنے مداحوں کا شکریہ ادا کیا ہے انہوں نے کہا ہے کہ میں آپ سب کی بہت زیادہ شکر گزار ہوں کیونکہ آپ نے بے بی باجی میں میرا کردار بہت سراہا ہے. آئندہ اقساط اس سے بھی زیادہ مزیدار اور دلچسپ ہوں گی اور کچھ ایسی چیزیں بھی ہوں گی جن کو دیکھ کر آپ لوگ ہل کر رہ جائیں گے. جویریا سعود نے کہا کہ میں اپنے مداحوں کے لئے کام کرتی ہوں جب وہ میرا کام سراہتے ہیں تو مجھ میں مزید اچھا کام کرنے کا حوصلہ پیدا ہوتا ہے.
جویریا سعود نے کہا کہ ”مجھے اندازہ نہیں تھا کہ بے بی باجی ڈرامے کو اس قدر سراہا جائیگا”، اصل میں یہ ڈرامہ کہانی گھر گھر کی ہے اس لئے لوگ اس کہانی کے قریب خود کو زیادہ محسوس کررہے ہیں. یاد رہے کہ ان دنوں ڈرامہ سیریل بے بی باجی آن ائیر ہے اس میںجویریا نے سعود کی اہلیہ کا کردار ادا کیا ہے اور ایسی اہلیہ جو خاندانی مسائل کو کم کرنے کی بجائے بڑھانے کا سبب بنتی ہے. جویریا نے اپنے کردار کے ساتھ بہت انصاف کیا ہے یہی وجہ ہے کہ ان کا کردار شائقین کی توجہ کا مرکز بنا ہوا ہے.