جب دلیپ کمار نے چھپ کر دوسری شادی کی تھی

مرحوم اداکار دلیپ کمار نے سائرہ بانو سے شادی کے 14 برس بعد اولاد کیلئے اسما رحمان نامی خاتون سے چُھپ کر شادی کی تھی۔

باغی ٹی وی : بھارتی میڈیا رپورٹس کے مطابق بھارتی ریاست حیدرآباد دکن سے تعلق رکھنے والی خاتون اسما صاحبہ سے دلیپ کمار نے 1981 میں شادی کی تھی۔

سماجی کارکن کے طور پر کام کرنے والی اسما رحمان اور دلیپ کمار کی ملاقات حیدرآباد میں ایک کرکٹ میچ کے دوران ہوئی دلیپ کمار نے اولاد کیلئے یہ شادی کی تھی تاہم یہ دوسری شادی زیادہ دیر تک نہیں چل سکی اور 1983 میں طلاق ہو گئی۔

دلیپ کمار کو ان کی دونوں بیویوں سے کوئی اولاد نصیب نہیں ہوئی اپنی سوانح عمری ’دلیپ کمار: سبسٹنس اینڈ دی شیڈو‘ میں د اسما سے شادی کو اپنی زندگی کی سنگین غلطی بھی قرار دیتے ہوئے اس بات کا انکشاف کیا کہ سن 1972 میں، ’سائرہ بانو امید سے تھیں، حمل کے آٹھویں ماہ میں سائرہ کا بلڈ پریشر ہو گیا اور ڈاکٹر بچے کو بچا نہ سکے، اور ہم اس کے بعد سے ہی خدا کی رضا میں راضی ہوگئے –

دلیپ کمار اور سائرہ بانو کی محبت کی انوکھی داستان