ریاض:سعودی عرب سے حادثے کی خبر نے حاجیوں کے ورثا کو پریشان کردیا . اطلاعات کے مطابق کنگ عبدالعزیز ایئرپورٹ جدہ کے حج ٹرمینل کی چھت کا ایک حصہ گر گیا۔عرب میڈیا کے مطابق جدہ ایئرپورٹ کے حج ٹرمینل کی چھت کا ایک حصہ گر گیا، چھت گرنے کے وقت اتفاقی طور پر وہاں کوئی حاجی موجود نہیں تھا۔
دوسری طرف ریاض سے محکمہ شہری ہوا بازی کی جانب سے جاری اعلامیہ کے مطابق کنگ عبدالعزیز انٹرنیشنل ایئرپورٹ کے حج ٹرمینل کے تجارتی علاقے کی چھت کا ایک حصہ گرا ہے، واقعہ کے وقت تجارتی علاقے میں کوئی حاجی نہیں تھا اس لیے کوئی جانی نقصان نہیں ہوا ہے۔
