جیل میرا سسرال، ہتھکڑی زیور اور موت محبوبہ ہے. شیخ رشید

سابق وفاقی وزیر شیخ رشید احمد کا کہنا ہے کہ: جیل میرا سسرال، ہتھکڑی زیور اور موت محبوبہ ہے.

عوامی مسلم لیگ کے سربراہ اور سابق وفاقی وزیر شیخ رشید کا کہنا ہے کہ کسی کو نااہل کرکے اس کی سیاست ختم نہیں کی جاسکتی ہے.اسلام آباد کچہری کے باہر میڈیا سے بات کرتے ہوئے سابق وزیرداخلہ اور عوامی مسلم لیگ کے سربراہ شیخ رشید کا کہنا تھا کہ عدالت میں ہر ہفتے کسی نہ کسی وجہ سے آنا پڑتا ہے، چیف جسٹس ہائیکورٹ سے گزارش ہے کہ عدالت میں آنے کی اجازت دی جائے.

شیخ رشید نے الزام عائد کیا کہ پی ڈی ایم الیکشن سے بھاگ رہی ہے، جبکہ ملک بھر میں لوڈ شیڈنگ بڑھ گئی ہے اور حکومت کے پاس کچھ نہیں ہے، اور یہ صرف سیلاب سیلاب کھیل رہے ہیں۔ سابق وزیر شیخ رشید احمد نے کہا کہ وزیرخارجہ بلاول بھٹو کو توفیق نہیں ہوئی کی دفتر جاسکیں، مولانا فضل الرحمان کو معلوم ہی نہیں کہ سیلاب کا پانی کہاں تک جاچکا ہے۔ بس سارے اپنے اقتدار میں لگے ہوئے ہیں.

سابق وزیر اعظم اور چیئرمین تحریک انصاف عمران خان کے حوالے سے سوال کے جواب میں سابق وفاقی وزیر داخلہ شیخ رشید احمد کا کہنا تھا کہ سابق وزیر اعظم عمران خان کا کیس لیگل ٹیم دیکھ رہی ہے، لہذا میرا خیال ہے کہ کسی شخص کو نااہل کرکے جیل بھیج کر سیاست ختم نہیں کی جا سکتی ہے۔ سابق وزیرداخلہ نے کہا کہ ہمیں بھی 7،7 سال جیل بھیجا گیا، ہماری سیاست آج بھی قائم ہے، یہ ہمیں جیل بھیجیں اس سے کوئی فرق نہیں پڑتا۔ شیخ رشید نے کہا کہ جیل ہمارا سسرال ہے، اور ہتھکڑی ہمارا زیور ہے جبکہ موت ہماری محبوبہ ہے۔

لیکن ناقدین کا کہنا ہے کہ شیخ رشید وہ شخص ہے جو ایٹمی دھماکوں کے وقت ڈرکر ملک سے بھاک گیا گیا تھا، لہذا یہ یہ ایسے کیسے اتنی بڑی بڑکیں مار رہا ہے.