ہالی وڈ اداکار جانی ڈیپ جو کہ تنازعات کی زد میں رہتے ہیں اس بار وہ خبروں میں ہیں جینا اورٹیگا کے ساتھ افئیر کی وجہ سے. کہا جا رہا ہے کہ دونوں کے درمیان دوستی سے بڑھ کر تعلق ہے. جینا اورٹیگا نے ان تمام افواہوں کی تردید کرتے ہوئے دو ٹوک الفاظ میں کہا ہے کہ میں جانی ڈیپ کو ڈیٹ نہیں کررہی. غیر ملکی میڈیا رپورٹ کے مطابق جینا اورٹیگا نے انسٹاگرام اسٹوری میں اس معاملے پر بات کی اور اسے ایک مضحکہ خیز خبر قرار دیا . انہوں نے کہا کہ جانی ڈیپ سے تعلق کی بات اس قدر مضحکہ خیز ہے کہ میں ہنس بھی نہیں سکتی، میں نا کبھی جانی سے ملی ہوں نا ہی ان کے ساتھ کام کیا ہے، جھوٹ پھیلانا بند کریں اور ہمیں اکیلا چھوڑ دیں۔
دوسری طرف جانی ڈیپ کے ایک نمائندے نے کہا کہ ”اداکار ان بے بنیاد افواہوں پر حیرت زدہ ہیں” جو ان کے کیریئر اور نیک نامی کو نقصان پہنچانے کی غرض سے پھیلائی جارہی ہیں۔جانی ڈیپ کا کہنا ہے کہ تھوڑے عرصے کے بعد میرے خلاف ایک منظم مہم چلائی جاتی ہے. میں اس طرح کی خبروں سے پریشان ہو جاتا ہوں.
