جھانوی کپور کی مسلمان خاندان کے ساتھ تصاویر وائرل

آنجہانی بالی وڈ اداکار ہ سری دیوی کی بیٹی اداکارہ جھانوی کپور کی مسلمان خاندان کے ساتھ تصویر سوشل میڈیا پر گردش کر رہی ہے-

باغی ٹی وی: بھارتی میڈیا رپورٹس کے مطابق اداکارہ جھانوی کپور کی فلم ’روہی’ کی اسپیشل اسکریننگ رکھی گئی جس میں بالی وڈ شخصیات سمیت کئی افراد نے شرکت کی اس اسکریننگ کے موقع پر جھانوی نے اپنے اسسٹنٹ عظیم کو بھی فیملی کے ہمراہ دعوت دی تھی۔

فلم کی اسکریننگ میں عظیم اپنے بیوی اور بچوں کے ہمراہ شریک ہوئے اس دوران جھانوی اپنے اسسٹنٹ کے بچوں کے ساتھ گھل مل گئیں اور ان کے چند ماہ کے بچے کو گود میں اٹھا کر کھیلتی رہیں اور اس خاندان کے ساتھ تصاویر بھی بنوائیں جبکہ وہاں موجود فوٹو گرافر اور کیمرہ مین ویڈیوز بھی بناتے رہے۔

بعد ازاں اداکارہ کی بچوں کو گود میں اٹھائے تصاویر اور ویڈیوز سوشل میڈیا پر وائرل ہوگئیں جنہیں مداحوں کی جانب سے بے حد سراہا جارہا ہے۔

خیال رہے کہ جھانوی کپور کی فلم ’روہی‘ 11 مارچ کو سنیما گھروں میں پیش کی جائے گی۔

سری دیوی اپنی بیٹی جھانوی کپور کو فلموں میں لانے کی کیوں مخالف تھیں؟