جھارکھنڈ ، ہجومی تشدد ایک اور نے نوجوان کی جان لے لی

بی جے پی کی حکومت میں ہجومی تشدد رکنے کا نام ہی نہیں لے رہا۔ تبریز انصاری کے بعد جھارکھنڈ میں ہی ممنوعہ گوشت فروخت کرنے کے شبہ میں ایک نوجوان کو موت کے گھاٹ اتار دیا گیا۔ نوجوان کے دیگر دو ساتھی زخمی ہیں۔

بھارت ، بیمار بچے کے ماں باپ بھی ہجومی تشدد کی بھینٹ چڑھ گئے

بھارتی میڈیا کے مطابق بھارتی ریاست جھارکھنڈ کے جل ٹانڈا سواری گاوں میں گﺅکشی کے الزام میں لوگوں کے مجمع نے تین نوجوانوں کی جم کر پٹائی کر دی، جس سے ایک نوجوان کی موت ہو گئی۔

گاﺅں کواطلاع ملی کہ کچھ لوگ گائے کا گوشت فروخت کر رہے ہیں۔ مقامی لوگوں نے موقع پر پہنچ کر تین نوجوانوں کو بے دردی سے مارنا پیٹنا شروع کر دیا۔پولیس نے تینوں نوجوانوںکو ہجوم سے چھڑایا اور ہسپتال لے گئی۔ایک نوجوان کالنتس بارلا نے راستے میں ہی دم توڑ دیا۔ دو کی حالت انتہائی تشویشناک ہے۔

کالنتس بارلا کا تعلق لاپنگ تھانہ علاقے کے گوپال پور کاسے تھا، زخمی نوجوان فلپ ہورو اور پھاگو کچچھپ کررا تھانے علاقے کے رہنے والے ہیں۔ ڈی آئی جی اے وی ہومکر کے مطابق 5 لوگوں کو گرفتار کیا گیا ہے اور باقی ملزمان کی تلاش کی جا رہی ہے۔