لاہور: جناح ہسپتال کی انتظامیہ کے مطابق 4 زخمیوں کی حالت مزید تشویشناک ہے –

باغی ٹی وی : جناح ہسپتال انتظامیہ کے مطابق گزشتہ روزجوہر ٹاوَن دھماکہ،جناح اسپتال میں 24 زخمی لائے گئے تھے دھماکے میں 3 زخمی جاں بحق ہوگئے تھے-

ہسپتال انتظامیہ کے مطابق 10 زخمیوں کو ڈسچارج کردیا گیا تھا ، 11 زیر علاج ہیں جبکہ 4 زخمیوں کی حالت تشویشناک ہے-

واضح رہے کہ جوہر ٹاؤن میں دھماکے کے نتیجے میں 23 جون کو دن ساڑھے 11 بجے ہونے والے دھماکے میں 3 افراد جاں بحق اور 24 افراد زخمی ہوگئے تھے، زخمیوں میں خواتین سمیت دو بچے بھی شامل ہیں اسی علاقے میں جماعت الدعوۃ کے امیر حافظ سعید کی رہائش گاہ بھی قائم ہے اور حملے کی جگہ سے صرف چند قدم کے فاصلے پر ہے۔

دوسری جانب جوہر ٹاؤن دھماکے کی ابتدائی رپورٹ بھی تیار کرلی گئی ہے۔ سیکیورٹی حکام کے مطابق دھماکے میں 10 سے 15 کلو گرام دھماکا خیز مواد استعمال ہوا۔ دھماکا خیز مواد غیر ملکی ساختہ کا تھا۔

رپورٹ کے مطابق دھماکا خیز مواد گاڑی میں نصب کیا گیا تھا۔ دھماکے کی جگہ 3 فٹ گہرا اور 8 فٹ چوڑا گڑھا پڑا۔ جب کہ استعمال ہونے والی ڈیوائس پلانٹ کرنے سے پہلے علاقے کی ریکی بھی کی گئی تھی۔حملہ آوروں اور سہولت کاروں کے گرد گھیرا تنگ کرنے کیلئے علاقے کی جيو فينسنگ شروع کر دی گئی ہے۔

جوہر ٹاوَن دھماکے میں ملوث عناصر کسی رعایت کے مستحق نہیں،وزیراعلیٰ پنجاب

بالآخرلاہور جوہرٹاون دھماکے کا مقدمہ درج کرلیا گیا:تین دہشت گرد نامزد