جن کے پاس NIC نہیں، انہیں سنگل ڈوز لگا رہے ہیں

وزیر صحت سندھ ڈاکٹر عذرا پیچوہو کا کہنا ہے کہ جو ویکسی نیشن نہیں کروائے گا اس کے لیے کورونا وبا جان لیوا ہوسکتی ہے۔

جن افراد کے پاس قومی شناختی کارڈ نہیں ہے ہم انہیں سنگل ڈوز لگا رہے ہیں۔کراچی میں ایک تقریب سے خطاب کرتے ہوئے وزیر صحت سندھ ڈاکٹر عذرا پیچوہو نے کہاکہ کورونا کے باعث اسپتالوں میں آنے والے 90 فیصد لوگوں نے ویکسین نہیں لگوائی ہے۔

ویکسی نیشن کے ساتھ انفیکشن ہوجائے تو وہ معمولی سا انفیکشن ہوتا ہے۔عذرا پیچوہو نے بتایا کہ یہ کہنا ٹھیک نہیں کہ اسپتالوں میں جگہ کم پڑگئی ہے۔

محکمہ صحت کے موقف کےلیے تھوڑا انتظار کیا جاسکتا ہے۔وزیرصحت سندھ ڈاکٹر عذرا پیچوہو نے مزید بتایا کہ 24گھنٹوں میں سندھ میں 3 لاکھ افراد کی ویکسی نیشن کا ہدف ہے، کچی آبادیوں میں بھی موبائل ویکسین یونٹ بھیجے جارہے ہیں۔

جبکہ لاک ڈاؤن میں لوگ بڑی تعداد میں ویکسین لگوانے آئے۔ڈاکٹر عذرا پیچوہو نے کہا کہ جن افراد کے پاس شناختی کارڈ نہیں انہیں سنگل ڈوز لگا رہے ہیں۔

شخصی ضمانت یا رشتےدار کے شناختی کارڈ پر بھی ویکسین لگائی جا رہی ہے ۔انہوں نے کہاکہ ہم نے وفاق سے کہا ہے کہ ہمیں زیادہ ویکسین دی جائے۔اس موقع پر موجود صوبائی وزیر سعید غنی نے کہا کہ محکمہ صحت سندھ بہت زیادہ مصروف ہے، سندھ میں 90 لاکھ سے زائد ویکسین لگائی جاچکی ہے۔