واشنگٹن:جو بائیڈن نے حلف لے لیا، امریکہ کے 46ویں صدر منتخب ہوگئے ہیں ،جو بائیڈن امریکہ کے 46ویں صدر کی حیثیت سے حلف اٹھانے کے لیے امریکی قانون سازوں کی عمارت یو ایس کیپٹل پر کافی دیر پہلے ہی پہنچ چکے تھے ۔
جوبائیڈن سے سپریم کورٹ کے چیف جسٹس نے حلف لیا
ذرائع کے مطابق جوبائیڈن نے بائبل پرحلف لیا اورقوم اورمذہبی اقدارکی ہر صورت پاسداری کرنے کا وعدہ کیا
دوسری طرف امریکہ میں نومنتخب نائب صدر کملا ہیرس نے اپنے عہدے کا حلف اٹھا لیا ہے۔
کیلیفورنیا سے تعلق رکھنے والی 55 سالہ ڈیموکریٹ سینیٹر ڈیموکریٹ پارٹی کے صدارتی امیدوار بننے کی دوڑ میں جو بائیڈن کے مخالف تھیں تاہم بائیڈن نے اپنے انتخاب کے بعد کملا کو اپنے نائب کے طور پر چن لیا تھا۔
کملا ہیرس صرف پہلی خاتون نائب صدر ہی نہیں بلکہ ان کے والدین کے جمیکا اور انڈیا سے تعلق کی وجہ سے وہ پہلی غیرسفید فام شخصیت بھی ہیں جو امریکہ کی نائب صدر بن رہی ہیں۔
کملا ہیرس کی والدہ انڈیا جبکہ والد جمیکا میں پیدا ہوئے تھے۔
وہ ریاست کیلی فورنیا کی سابق اٹارنی جنرل بھی رہ چکی ہیں اور وہ نسلی تعصب کے خلاف ہونے والے مظاہروں کے دوران پولیس کے نظام میں اصلاحات کی بھی حامی رہی ہیں۔
