جوہر ٹاوَن دھماکے میں ملوث عناصر کسی رعایت کے مستحق نہیں،وزیراعلیٰ پنجاب

وزیراعلیٰ پنجاب عثمان بزدار کا کہنا ہے کہ جوہر ٹاوَن دھماکے میں ملوث عناصر کسی رعایت کے مستحق نہیں ہیں-

باغی ٹی وی : وزیر اعلیٰ پنجاب نے کہا کہ بزدلانہ کارروائی کی جتنی بھی مذمت کی جائےکم ہے،جاں بحق افرادکےاہلخانہ کےغم میں برابرکےشریک ہیں-

وزیراعلیٰ پنجاب عثمان بزدار کا کہنا ہے کہ واقعےکےذمہ دارقانون کی گرفت سےنہیں بچ پائیں گے،دہشت گردوں کوامن وامان خراب نہیں کرنےدیں گے-

واضح رہے کہ جوہر ٹاؤن میں دھماکے کے نتیجے میں 3 افراد جاں بحق اور 24 افراد زخمی ہوگئے تھے، زخمیوں میں خواتین سمیت دو بچے بھی شامل ہیں۔

دوسری جانب دھماکے میں استعمال ہونے والی گاڑی کا ریکارڈ حاصل کر لیا گیا۔ گاڑی چوری کی تھی، مالک کو حراست میں لے لیاگیا ہے جبکہ سکیورٹی اداروں نے جوہر ٹاؤن بم دھماکے میں ملوث سہولت کاروں کی تلاش شروع کردی ہے۔ قانون نافذ کرنے والے اداروں نے جوہرٹاؤن بم دھماکے میں استعمال ہونے والی گاڑی کا اصل مالک حراست میں لے لیاہے۔

دھماے میں استعمال گاڑی چوری کی ہے، گاڑی اوپن لیٹر پر چلائی جارہی تھی، کالے رنگ کی گاڑی 2010 ماڈل ٹیوٹا کرولا ہےایکسائز ذرائع کے مطابق گاڑی حافظ آباد کے رہائشی نے دو سال پہلے فروخت کی تھی، گاڑی گوجرانوالہ میں ایک شخص نے اپنے لیٹر پر فروخت کی تھی، تحقیقاتی اداروں نے گاڑی کے انجن کا کچھ حصہ قبضے میں لے لیا۔

بارود سے بھری گاڑی ناکوں سے ہوکر جائے وقوعہ پر پہنچی، گاڑی کے اصل مالک کا تعلق حافظ آباد سے ہے، گاڑی کے اصل مالک کو حراست میں لے لیا گیا قانون نافذ کرنے والے اداروں اور پبلک مقامات پر سکیورٹی بڑھا دی گئی ہے۔ دھماکے کی ابتدائی رپورٹ کے مطابق دھماکے میں دیسی ساختہ20سے 25 کلو گرام بارودی مواد استعمال کیا گیا جسے گاڑی میں نصب کیا گیا تھا۔