پارلیمنٹ کے آج ہونے والے مشترکہ اجلاس کا ایجنڈا جاری کر دیا گیا،آج پارلیمنٹ کا مشترکہ اجلاس سہ پہر 3 بجے ہوگا، جس میں صدر مملکت آصف علی زرداری خطاب کریں گے۔ اسپیکر قومی اسمبلی ایاز صادق اس اجلاس کی صدارت کریں گے۔
پارلیمنٹ کے مشترکہ اجلاس کا دو نکاتی ایجنڈا بھی جاری کر دیا گیا ہے۔ صدر آصف علی زرداری اپنے خطاب میں اتحادی حکومت کی ایک سالہ کارکردگی کا جائزہ پیش کریں گے۔ اس کے علاوہ ایوان میں کوئی اور کارروائی نہیں کی جائے گی اور صدر کا خطاب مکمل ہوتے ہی اجلاس غیر معینہ مدت کے لیے ملتوی کر دیا جائے گا۔صدر کے خطاب کے دوران اپوزیشن ارکان کی جانب سے احتجاج کا امکان ظاہر کیا جا رہا ہے، جس کے لیے حکومت نے ایک حکمت عملی تیار کی ہے تاکہ اپوزیشن کے احتجاج کو ناکام بنایا جا سکے۔
وزیراعظم شہباز شریف ایوان میں صدر آصف علی زرداری کا استقبال کریں گے۔ صدر مملکت اپنے خطاب سے قبل اسپیکر چیمبر میں وزیراعظم سے ملاقات بھی کریں گے۔
