ننکانہ صاحب،باغی ٹی وی(نامہ نگاراحسان اللہ ایاز) جرنلسٹس ایسوسی ایشن آف پاکستان/یوکے (رجسٹرڈ) کی پاکستان شاخ کے لیے نئی باڈی 2025-26 کا اعلان کر دیا گیا، جس میں سمیع اللہ عثمانی کو صدر اور صائمہ صابر کو جنرل سیکرٹری منتخب کیا گیا، جبکہ فنانس سیکرٹری کے عہدے پر راشد علی خانزادہ کا تقرر عمل میں آیا۔ اس سلسلے میں ایک آن لائن اجلاس منعقد ہوا، جس کی صدارت چیئرمین و مرکزی صدر میاں عامر علی نے کی۔ اجلاس میں مرکزی وومن ونگ صدر حمیرا ثناء، مرکزی سیکرٹری جنرل محمد آصف قائمی سمیت دیگر عہدیداران نے بھی شرکت کی۔ اجلاس کا آغاز بہاولنگر سے محمد جنید نے تلاوتِ قرآن پاک اور نعت رسول مقبول ﷺ سے کیا، جس کے بعد پاکستان کی نئی قیادت کے ناموں کا اعلان کیا گیا۔
اس اجلاس میں متفقہ طور پر سمیع اللہ عثمانی کو جرنلسٹس ایسوسی ایشن آف پاکستان/یوکے (رجسٹرڈ) کا صدر منتخب کیا گیا۔ دیگر عہدیداران میں سینئر نائب صدور کے طور پر نعمان وہاب خان زئی، نبیلہ حفیظ، اور امان اللہ کھوکھر کو منتخب کیا گیا، جبکہ نائب صدور میں ڈاکٹر ساجد محمود اعوان، محمد سفیر، علی زمان اعوان، محمد اکرم، روح الابرار اور ڈاکٹر شاہ نواز قادری شامل ہیں۔ جنرل سیکرٹری کے طور پر صائمہ صابر، جبکہ ڈپٹی جنرل سیکرٹری کے طور پر حامد صدیق انجم اور سید رفاقت حسین کو ذمہ داریاں سونپی گئیں۔ فنانس سیکرٹری کے عہدے کے لیے راشد علی خانزادہ کا انتخاب عمل میں آیا۔
مزید برآں اطلاعات سیکرٹری کے طور پر محمد مستجاب اور گل محمد لغاری، آفس سیکرٹری کے لیے عامر حیات، جبکہ جوائنٹ سیکرٹریز کے طور پر محمد خرم قادری، خالد شاہین فریدی اور نور محمد ترک کا انتخاب کیا گیا۔ اسی طرح، ڈپٹی جوائنٹ سیکرٹریز میں محمد خالد اور وجیہہ تمثیل کو شامل کیا گیا۔ ایڈیشنل سیکرٹریز کے طور پر محمد شمعون نذیر، امبرین ریاض اور رانا شاہد خلیل کو مقرر کیا گیا، جبکہ ڈپٹی ایڈیشنل سیکرٹریز میں مسعود الحسن، حنا محبوب اور شفیق جان قائم خانی شامل ہیں۔
ایگزیکٹو کونسل کے ممبران میں شیخ وقاص احمد، دلیپ کمار، ارم سعید، محمد رضوان بھٹی، فرخ کمال، فاطمہ لیاقت، محمد جنید، میاں خلیل صدیق آرائیں، علیشاہ عندلیب، عثمان گل کشمیری، فضل حسین خان، شیخ سجاد حسین، خواجہ محمد عامر، محمد کاشف شہزاد، دل حسین، محمد یاسین کھتری اور محمد ناظم خانزادہ کو شامل کیا گیا ہے۔ یہ تمام افراد اپنی صحافتی ذمہ داریاں سرانجام دیں گے اور میڈیا کے شعبے میں مثبت کردار ادا کریں گے۔
اجلاس میں فیصلہ کیا گیا کہ صحافیوں کے حقوق کے تحفظ اور ان کے مسائل کے حل کے لیے مؤثر اقدامات کیے جائیں گے۔ صحافیوں کو درپیش چیلنجز کا جائزہ لینے اور ان کے حل کے لیے عملی اقدامات اٹھانے کا عزم ظاہر کیا گیا۔ اس سلسلے میں قانونی معاونت فراہم کرنے کے لیے معروف وکلاء راؤ مدبر اعظم ایڈووکیٹ اور شاہد شمش الدین میمن ایڈووکیٹ کو لیگل ایڈوائزر مقرر کیا گیا، جو صحافیوں کو درپیش قانونی معاملات میں مدد فراہم کریں گے۔
اجلاس کے اختتام پر ایسوسی ایشن کی کامیابی، پاکستان کے استحکام اور فلسطین کے مظلوم عوام کے لیے خصوصی دعا کی گئی۔ مرکزی صدر میاں عامر علی نے اس موقع پر کہا کہ جرنلسٹس ایسوسی ایشن صحافیوں کے حقوق کے لیے ہر سطح پر آواز بلند کرے گی اور ان کے مسائل کے حل کے لیے ہر ممکن اقدامات کیے جائیں گے۔
