کراچی: جج ، صحافی اور ہیومن رائٹس کے نمائندے بن شہریوں کو اغوا کرنیوالے ملزمان گرفتار

کراچی: پولیس نے مختلف وارداتوں میں ملوث 6 رکنی گینگ کو گرفتار کرلیا،ملزمان پر بھتہ خواری اور شارٹ ٹرم کڈنیپنگ کا الزام ہے-

باغی ٹی وی: پولیس کے مطابق ملزمان جج ، صحافی اور ہیومن رائٹس کے نمائندے بن شہریوں کو اغوا کرتے اور پھر ان کے گھر والوں سے پیسے منگواتے تھے۔

دہشتگردوں کو بارودی مواد فراہم کرنے والے 4 مبینہ ملزمان گرفتار

پولیس کے مطابق ملزمان نے کورنگی سے ایک دکاندار کو اغوا کیا تھا اس کے بعد تاوان کے لیے اس کے گھر فون کیا تو گھر والوں نے فون کال ریکارڈ کرلی، جس میں ملزمان دھمکیاں دیتے سنائی دے رہے ہیں-

ملزمان نے مغوی کی رہائی کے لیے بیٹے سے5 لاکھ روپے مانگے، ملزمان مغوی کو گاڑی میں بٹھاکر مختلف مقامات پرگھماتے رہے، اہلخانہ نے پولیس سے رابطہ کیا-

پولیس کوپہلے سے ایسے گینگ کی موجودگی کی اطلاعات تھیں تاہم موثر کاروائی کرتے ہوئے پولیس نے ملزمان کے پاس سے جعلی کارڈ بھی برآمد کرلیے پولیس کے مطابق گروہ میں 2 خواتین شامل ہیں-

ارشد شریف موت؛ خاندان سے تعزیت کرتے ہیں جبکہ حکام واقعے کی تحقیقات کررہے. انسپکٹر جنرل پولیس

پولیس کے مطابق ملزمان نے جعلی کارڈ بنا رکھے تھے،گاڑی پرگرین نمبر پلیٹ بھی لگا رکھی تھی، پولیس کی لائٹیں اورہوٹربھی لگارکھے تھے،گاڑی میں موجود گینگ کی رکن خاتون خود کو جج کہتی، ایک میڈيا کا نمائندہ بنتا، ایک انسانی حقوق کمیشن کا ڈائریکٹر بنتا تھا۔

اس حوالے سے مزید تحقیقات جاری ہیں۔

دوسری جانب لاہور میں تھانہ اسلام پورہ کی حدود میں دو مسلح ڈاکوؤں نے فارمیسی کا صفایا کر دیا سی سی ٹی وی فوٹیج کے مطابق دو ڈاکو اسٹوڈنٹس کے بھیس میں فارمیسی کے اندر داخل ہوئے اور دکانداروں پر اسلح تان لیا-

ایک ڈاکو دکان عملے کویرغمال بنا کر کھڑا رہا جبکہ دوسرا ڈاکو کیش کاونٹر کا صفایا کرتا رہا ڈاکوؤں نے فارمیسی میں آنے والے صارفین کو بھی یرغمال بنایا اور لوٹ مار کی، دونوں ڈاکو اسلح کے زور پر ہزاروں روپے نقدی اور 5 موبائل فون لے اڑے۔

شہر قائد میں آٹھ سالہ سیلاب متاثرہ بچی بھی انسانی درندوں کے ہاتھوں محفوظ نہ رہی