جلوس کے روٹس مکمل بلدیاتی خدمات سے آراستہ رہے : میونسپل کمشنر غلام سرور

ڈپٹی کمشنر/ایڈمنسٹریٹر ڈی ایم سی ایسٹ آصف جان صدیقی کی ہدایت پرمیونسپل کمشنر ڈی ایم سی ایسٹ غلام سرور راہپوٹو نے افسران کے ہمراہ نو محرم الحرام کے حوالے سے برآمد ہونے والے مرکزی جلوس اور ٹائم اسکوائر گلشن اقبال سے برآمد ہونے والے جلوس کے روٹس کا معائنہ کیا اس موقع پر انہوں نے کہا کہ قبل ازوقت بلدیاتی خدمات کی بدولت جلوس کے روٹس مکمل طور پر بلدیاتی خدمات سے آراستہ رہے،تاحال بلدیہ شرقی کے محکمہ جات متحرک ہیں اور شکایات کی صورت میں فوری خدمات کی فراہمی کیلئے اپنا کردار ادا کر رہے ہیں انہوں نے کہا کہ دس محرم الحرام کے مرکزی جلوس کے حوالے سے نشترپارک سمیت جلوس کے روٹس پر بلدیاتی خدمات کی فراہمی کو یقینی بنادیا گیا ہے، ازخود بلدیاتی خدمات کی فراہمی کے حوالے سے کئے جانے والے کاموں کی مانیٹرنگ کر رہا ہوں انہوں نے متاثر کن بلدیاتی خدمات کی فراہمی پر افسران کو سراہا اور ہدایت کی کہ متواتر دورے کر کے افسران ازخود بھی بلدیاتی خدمات کا معائنہ کریں اور جہاں ضرورت ہو وہاں بلا تعطل خدمات کی فراہمی کو یقینی بنایا جائے،دورے کے دوران ان کے ہمراہ سینئیرڈائریکٹر پارکس عبدالغنی شیخ، ڈائریکٹرز توقیر عباس، آغا سمیر، ایگزیکٹیو انجنئیر سول اقبال ملاح، ایگزیکٹیو انجنئیر ایم اینڈای امتیاز بھٹو اور اسسٹنٹ ایگزیکٹیو انجنئیر سول راشد فیاض ودیگر بھی موجود تھے ۔