![](https://baaghitv.com/wp-content/uploads/2021/05/WhatsApp-Image-2021-05-22-at-9.02.42-AM.jpeg)
اداکارہ عائشہ عمر نے کہا ہے کہ جنگ بندی کے بعد بھی فلسطینیوں کو مدد کی ضرورت ہے۔
باغی ٹی وی : عئشہ عمر نے سماجی رابطے کی ویب سائٹ انسٹاگرام پر بدھ کو فلسطین کے حق میں ہونے والے مظاہرے کی تصویر شیئر کرتے ہوئے لکھا کہ الحمد ﷲ گزشتہ رات سیز فائر کا اعلان کیا گیا۔
انہوں نے لکھا کہ اب وقت ہے فلسطینیوں کی مدد کی جائے جنہوں نے اپنے گھر،اہلخانہ اور پیاروں کو کھودیا ہے۔
انہوں نے مزید لکھا کہ سالوں سے تشدد اور صدموں کا سامنا کرنے والے فلسطینی بچوں کے نفسیاتی علاج کے لیے کوشش اور مدد کرنے کا وقت ہے زمین پر ہر ایک انسان کو حق حاصل ہے اور وہ بے خوف و خطر زندگی گزارنے کا حقدار ہے-
عائشہ عمر کا کہنا تھا کہ امید کرتی ہوں اس برے خواب کا ایک دن پرامن حل نکلے گا کیونکہ اس دنیا میں ہر انسان کو بنا خوف جینے کا حق حاصل ہے ناجائز اور غلط بات کے خلاف کبھی بھی آواز اٹھانا نہ چھوڑیں۔