سوئی سدرن گیس کمپنی نے 14 سے 17 ستمبر کے دوران سی این جی سیکٹر کے ساتھ صنعتوں، پاور پلانٹس، کے الیکٹرک اور کھاد فیکٹریوں کو بھی منتقل کرنے کا اعلان کردیا ہے۔
باغی ٹی وی : تفصیلات کے مطابق ایل این جی منتقل کرنے والے ایف ایس آر یو کی تبدیلی کے دوران گیس کے حصول میں کمی کا اثر سی این جی سیکٹر کے ساتھ صنعتوں، پاور پلانٹس، کے الیکٹرک اور کھاد فیکٹریوں کو بھی منتقل کرنے کا اعلان کردیا ہے۔
سندھ اور بلوچستان میں سی این جی کی فراہمی 14 سے 17 ستمبر تک بند
رپورٹس کے مطابق گھریلو اور تجارتی صارفین کو بلا تعطل گیس کی فراہمی کو یقینی بنانے کے لیے، ایس ایس جی سی 14 ستمبر 2021 (پیر اور منگل کی درمیانی شب) سے چار دن کے لیے سندھ اور بلوچستان کے تمام سی این جی اسٹیشنوں کو گیس کی فراہمی معطل رکھے گی جب کہ سی این جی اسٹیشنز کو گیس کی فراہمی ہفتہ 18 ستمبر 2021 کو صبح 08:00 بجے بحال کردی جائے گی۔
کے الیکٹرک، سندھ نوری آباد پاور کمپنی اور فوجی فرٹیلائزر بن قاسم کو گیس کی فراہمی بھی جزوی طور پر کم کی جائے گی اگر اس انتظام سے بھی گیس کی کمی کو پورا کرنے میں دشواری ہوئی تو غیر برآمدی صنعتوں کو بھی گیس کی فراہمی بند کردی جائے گی۔
پاکستان میں کورونا سے مزید 78 اموات
اس صورتحال سےمؤثر طریقے سے نبردآزما ہونے کے لیے ایس ایس جی سی نے مقامی ای اینڈ پی کمپنیوں سے ان چار دنوں کے دوران اپنی گیس کی پیداوار بڑھانے کی درخواست کی ہے اور انھیں اس سلسلے میں ضروری مدد فراہم کرنے کی یقین دہانی کرائی ہے۔
علاوہ ازیں گیس کی اس قلت کی وجہ سے کراچی کے بعض علاقوں میں کم پریشر کی شکایات کا بھی امکان ہے ۔
