کبڈی کا عالمی چیمپئن کون، روایتی حریف پاکستان اور بھارت کے درمیان آج زبردست جوڑ پڑے گا

کبڈی کا عالمی چیمپئن کون، روایتی حریف پاکستان اور بھارت کے درمیان آج زبردست جوڑ پڑے گا،
باغی ٹی وی : کبڈی کا عالمی چیمپئن کون، روایتی حریف پاکستان اور بھارت کے درمیان آج زور کا جوڑ پڑے گا، دفاعی چیمپئن اور میزبان ٹیم کے جیت کے دعوؤں نے مقابلہ سنسنی خیز بنا دیا، سیمی فائنل میں ایران اور آسٹریلیا کو شکست ہوئی۔

زندہ دلان کے شہر لاہور میں کبڈی ورلڈکپ کا ٹائٹل مقابلہ، پکڑن پکڑائی اور زور آزمائی کا شاندار مظاہرہ ہو گا۔ تاریخی کھیل کبڈی کا عالمی چیمپئن کون، روایتی حریف پاکستان اور بھارت آمنے سامنے آئیں گے، جیت کے دعوؤں نے ماحول گرما دیا۔ فائنل میچ شام سات بجے شروع ہو گا۔ میچ سے پہلے ہی سنسنی، انتظار کی شدت، الٹی گنتی شروع ہو گئی۔ پنجاب اسٹیڈیم لاہور میں جام پیک شو کی تیاریاں مکمل ہیں۔
واضح‌ رہے کہ پاکستان ایران کو ہرا کر پہلے ہی فائنل میں پہنچ چکا ہے. پہلی مرتبہ ورلڈ کپ بھارت سے باہر پاکستان میں ہورہا ہے جہاں دنیا بھر سے ٹیمیں گزشتہ ایک ہفتے سے موجود ہیں اور پنجاب کے مختلف شہروں میں میچز کھیل رہی ہیں۔

لاہور میں 9 فروری کو ایک رنگارنگ تقریب کے بعد کبڈی ورلڈ کپ کا آغاز ہوگیا تھا اور پاکستان نے افتتاحی میچ میں کینیڈا کو شکست دے دی تھی۔بھارت کی ٹیم 8 فروری کو براستہ واہگہ بارڈر لاہور پہنچی تھی اور کبڈی ورلڈ کپ 2020میں حصہ لینے والی 10 ٹیموں میں شامل ہے تاہم حکام کی جانب سے ٹیم سے لاتعلقی کا اظہار کیا گیا تھا۔