کبھی نہیں سوچا کہ سکرین پر ہیرو کے طور پر آئوں کامران شاہد

معروف صحافی ، رائٹر اور ڈائریکٹر کامران شاہد نے واسع چوہدری کے ساتھ اپنے ایک انٹرویو میں کہا ہے کہ میں نے کبھی بھی نہیں سوچا کہ میں سکرین پر ہیرو کے طور پر آئوں میرے والد کی خواہش تھی کہ میں فلموں میں آئوں، انہوں نے مجھے ڈانس پریکتس کروائی ، تیاری کروائی لیکن میری والدہ نے مجھے انڈسٹری میں آنے سے منع کر دیا. ایک سوال کے جواب میں انہوں نے کہا کہ میں جب فلم بنا رہا تھا اس وقت بھی کبھی دل میں خیال نہیں آیا کہ میں ہیرو کے طور پر فلم میں آئوں ، انہوں نے ہنستے ہوئے کہا کہ اگر میں انڈسٹری میں آچکا ہوتا تو سب ہیروز کی چھٹی

کروا چکا ہوتا. کامران شاہد نے کہا کہ جب میں ہوئے تم اجنبی لکھ رہا تھا اس وقت میرے زہن میں خیال ایک حسین و جمیل لڑکے کا تھا اور وہ حسین و جمیل لڑکا میکال ذوالفقار جیسا ہی تھا. انہوں نے بہت اچھے انداز میں کردار نبھایا ہے. انہوں نے مزید یہ بھی کہا کہ ہوئے تم اجنبی میں میکال نے روٹین سے ہٹ کر کام کیا ہے ، انہوں نے کئی سینز کرنے سے پہلے کلمہ پڑھا . انہوں نے میری توقعات سے بڑھ کر کام کیا ہے.