کابینہ کی ذیلی کمیٹی کا اجلاس تیسری بار جاری، نواز کا نام ای سی ایل سے کیسے نکلے گا؟
کابینہ کی ذیلی کمیٹی کا اجلاس تیسری بار جاری، نواز کا نام ای سی ایل سے کیسے نکلے گا؟
باغی ٹی وی کی رپورٹ کے مطابق وفاقی وزیر قانون فروغ نسیم کی زیر صدارت کابینہ کی ذیلی کمیٹی کا اجلاس جاری ہے، نوازشریف کے ذاتی معالج ڈاکٹرعدنان کابینہ کی ذیلی کمیٹی میں شریک ہیں،معاون خصوصی شہزاد اکبر اور میڈیکل بورڈ کے سربراہ بھی اجلاس میں شریک ہیں.
نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا
نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا
شہزاد اکبر نے کہا ہے کہ ذیلی کمیٹی نے شریف خاندان کے نمائندوں سے واپسی کی تاریخ مانگی ہے، واپسی کی تاریخ اور ضمانتی بانڈزمانگنا نئی بات نہیں، عدالت بھی ضمانتی بانڈز جمع کرتی ہے، کابینہ سے سرکولیشن کے ذریعے بھی ای سی ایل سے نام نکالاجا سکتا ہے،
نیب کے ذرائع کا کہنا ہے کہ نیب نے انسانی ہمدردی کے طور پرضمانت کی مخالفت نہیں کی،بیرون ملک بھیجنا وفاقی حکومت کااختیار ہے ، مقدمات میں حاضری یقینی بنانے کیلئے حکومت طریقہ کارطے کرے، نواز شریف بیرون ملک گئے اورواپس نہ آئے توکون ذمہ دار ہوگا؟
نواز شریف ضمانت پر ہیں، حکومت کس چیز کی ضمانت مانگ رہی ہے؟ ن لیگ
نیب ذرائع کے مطابق تین مقدمات میں نوازشریف ملزم ہیں ایک میں سزا ہوچکی،بیرون ملک جانے کے بعد ملزم پر کوئی اختیارنہیں ہوتا،
واضح رہے کہ نواز شریف نیب کے پاس جسمانی ریمانڈ پر تھے جب ان کی طبیعت خراب ہوئی اور سروسز ہسپتال منتقل کیا گیا، بعد ازاں لاہورہائیکورٹ نے نواز شریف کی چوھدری شوگر ملز کیس میں ضمانت منظور کی، اسلام آباد ہائیکورٹ نے نواز شریف کی العزیزیہ ریفرنس کیس میں سزا آٹھ ہفتوں کے لئے معطل کی، نواز شریف سروسز سے گھر منتقل ہو چکے ہیں جہاں ان کا علاج جاری ہے، نواز شریف کے بھائی شہباز شریف نے نواز شریف کا نام ای سی ایل سے نکالنے کی درخواست دے رکھی ہے، ابھی تک نام نکالنے کا فیصلہ نہ ہو سکا، نواز شریف کی آج صبح لندن کی ٹکٹ بک تھی جسے منسوخ کروا دیا گیا.
