عالمی عدالت سے کلبھوشن یادیو کا فیصلہ آنے پر پنجاب اسمبلی میں مبارکباد کی قرارداد جمع کروا دی گئی
باغی ٹی وی کی رپورٹ کے مطابق کلبھوشن یادیوکیس کافیصلہ آنے پرمبارکباد کی قرارداد پنجاب اسمبلی میں جمع کروا دی گئی ہے، قرارداد تحریک انصاف کی رکن پنجاب اسمبلی مسرت جمشید چیمہ کی جانب سے جمع کرائی گئی ہے.
قرارداد کے متن میں کہا گیا ہے کہ پاکستان کےحق میں فیصلہ سنائے جانے پرپاکستان کی عوام کومبارکباد پیش کرتےہیں،یہ ایوان عالمی عدالت کیجانب سے بھارتی جاسوس ڈکلئیر کرنے پرمبارکباد پیش کرتا ہے، قرارداد کے متن میں مزید کہا گیا ہے کہ پاکستان کی فوجی عدالت کے فیصلے کوصحیح تسلیم کرنے کوسراہتے ہیں، عدالت نے پاکستان کا مؤقف تسلیم کیا ہےکہ کلبھوشن بھارتی جاسوس ہے ،کلبھوش جعلی دستاویزات پرپاکستان آیاتھااوردہشتگردی کی وارداتوں میں ملوث رہا
کلبھوشن کیس فیصلہ، ڈی جی آئی ایس پی آر بھی میدان میں آ گئے، کیا کہا جانیے اس خبر میں
واضح رہے کہ عالمی عدالت انصاف نے گزشتہ شام فیصلہ سنایا جس میں کہا گیا کہ کلبھوشن بھارتی جاسوس ہے، اسے رہا کرنے کی بجائے پاکستان سزائے موت پر نظر ثانی کرے اور پاکستان بھارت کو قونصلر رسائی بھی دے.
پاکستان مطلوب افراد حوالے کرے، بھارت نے مطالبہ کر دیا
عالمی عدالت میں ہونے والی سماعت میں بھی پاکستانی وفد کی سربراہی پاکستان کے اٹارنی جنرل انور منصور خان نے کی تھی جبکہ بھارت کی جانب سے جوائنٹ سیکرٹری دیپک متل عدالت میں پیش ہوئے تھے، پاکستان کی جانب سے خاور قریشی نے دلائل دئے تھے جبکہ بھارت کی جانب سے ہریش سالوے نے عالمی عدالت میں دلائل دئیے تھے.
کلبھوشن یادیو کی قسمت کا فیصلہ عالمی عدالت آج کرے گی
واضح رہے کہ بھارتی جاسوس کلبھوشن یادیو کو 3 مارچ 2018ء کو پاکستان ایران سرحدی علاقے سے گرفتار کیا گیا تھا، یہ بھارتی جاسوس بھارتی نیوی کا حاضر سروس افسر اور ”را“ کے ایجنٹ کے طور پر کام کر رہا تھا۔ کلبھوشن یادیو کی گرفتاری پر حکومت پاکستان نے بھارتی سفیر کو طلب کرکے انڈین جاسوس کے غیر قانونی طور پر پاکستان میں داخلے اور کراچی اور بلوچستان میں دہشت گردی میں ملوث ہونے پر باضابطہ احتجاج کیا۔ اس کے بعد کلبھوشن یادیو کے اعترافی بیان کی ویڈیو جاری کی گئی۔
کلبھوشن کی گرفتاری کے ایک ماہ بعد اپریل 2018ء میں اس کے خلاف دہشتگردی کی دفعات کے تحت مقدمہ درج کیا گیا، جس کے بعد پاکستان کی فوجی عدالت نے کلبھوشن یادیو کو دہشتگردی کی سرگرمیوں میں ملوث ہونے کا مجرم قرار دیتے ہوئے سزائے موت سنا دی۔
گزشتہ برس مئی میں بھارت نے اپنے جاسوس کلبھوشن یادیو کی پھانسی رکوانے کے لیے عالمی عدالت انصاف میں درخواست دائر کی تھی۔ 15 مئی کو بھارتی درخواست پر سماعت کا آغاز ہوا،نیدرلینڈز کے شہر دی ہیگ میں قائم عالمی عدالت اںصاف نے بھارت کی درخواست پر اٹھارہ سے اکیس فروری تک اس مقدمے کی سماعت کی تھی، جس کے بعد فیصلہ محفوظ کر لیا گیا تھا۔
