کم وسائل میں بھی اچھے نتائج حاصل کیے جاسکتے ہیں، ڈی سی نارووال

ڈپٹی کمشنر نبیلہ عرفان نے یوم عاشور کے موقع پرصفائی ستھرائی اور سیکورٹی سمیت پولیس، میونسپلز کمیٹیز ہیلتھ، ریسکیو 1122 کے ساتھ ساتھ محکمہ سول ڈیفنس سٹاف، بم ڈسپوزل اسکواڈ اور رضاکاران کی طرف سے دی جانے والی کارکردگی کو سراہتے ہوئے ہوئے انہیں مباکباد پیش کی ہے، انہیں مستقبل میں مزید اسی جذبے کے تحت تندہی اور جانفشانی کے ساتھ اپنے فرائض منصبی کو جاری رکھنے کی ہدایت کی ہے.

ڈپٹی کمشنر نارووال نے کہا ہے کہ محکمہ سول ڈیفنس کا عملہ اپنی ذمہ داریاں پوری طرح نبھا رہا ہے، انہوں نے ثابت کیا ہے کہ محدود وسائل کے باوجود وہ کسی بھی ہنگامی صورتحال کا مقابلہ کرنے کے لیے پوری طرح تیار ہیں، عوام کی جان ومال کے تحفظ کا مکمل عزم کیا ہوا ہے، واضح رہے کہ ضلع بھر میں عشرہ محرم کے دوران دیگر محکموں کے ساتھ ساتھ محکمہ سول ڈیفنس کی بی ڈی ایس ٹیم اور ان کے رضاکاران کی شاندار پرفارمنس پر گزشتہ روز صوبائی وزیر اوقاف پیر سعید الحسن شاہ نے بھی ڈپٹی کمشنر نبیلہ عرفان اور ڈی پی او سید اکبر علی شاہ کی موجودگی میں محکمہ سول ڈیفنس کی کارکردگی کو بے حد سراہا ہے.

محمد عارف راشد باغی ٹی وی نارووال