چاچی 420 کا گیٹ اپنانے میں روزانہ 6 گھنٹے لگتے کمل ہاسن

بالی وڈ کے اداکار کمل ہاسن جن کے کریڈٹ پر بڑے کردار اور فلمیں ہیں انہوں نے نوے کی دہائی میں چاچی 420 کے نام سے ایک فلم کی ، اس فلم کو بہت زیادہ پذیرائی ملی، شائقین چاچی کے کردار کے سحر میں مبتلا ہو گئے. چاچی 420 کا کردار کرنے والے کمل ہاسن نے اپنے ایک انٹرویو میں کہا ہے کہ اس گیٹ اپ کو اپنانے کے لئے روزانہ مجھے 6 گھنٹے لگ جاتے تھے . بہت ہی مشکل ہوتا تھا یہ سب کرنا لیکن کسی بھی کردار کو کرنے کے لئے میں کسی بھی مشکل سے گزر جاتا ہوں. انہوں نے کہا کہ ہم جہاں پر شوٹ کررہے تھے وہاں پر کوئی ایسی جگہ نہیں

تھی جہاں سارے سٹارز بیٹھ سکیں ، میک اپ روم اتنا تھا کہ جتنا ایک ٹیلی فون بوتھ ہوتا ہے، وہاں بیٹھا میں میک کروا رہا ہوتا تھا خاتون کے مکمل گیٹ اپ میں ہوتا تھا تو جو لڑکا مجھے سین سمجھانے آتا تھا ایک دن اس کو میں کانپتے ہوئے دیکھا. وجہ یہ تھی کہ میں خاتون کے گیٹ اپ میں تھا اور میرا پلو نیچے اترا ہوا تھا. کمل ہاسن نے کہا کہ اس فلم کی شوٹنگ کے وقت بہت سارے دلچپسپ واقعات رونما ہوئے جو کہ یقینا میرے دل کے قریب ہیں اور رہیں گے.