خان پور سے اغوا دونوں کمسن بچے بازیاب

0
37

باغی ٹی وی کی رپورٹ کے مطابق خان پور سے اغوا ہونے والے کمسن دو بچوں کو پولیس نے بازیاب کروا لیا

پولیس حکام کے مطابق بچوں کو بہاولپور سے بازیاب کروایا گیا ہے، بچوں کے والد ڈاکٹرحسن محمود کا کہنا ہے کہ پولیس ٹیم کا شکریہ ادا کرتے ہیں جنہوں نے بچوں کو بازیاب کروانے کے لئے انتھک محنت کی،۔ پولیس بچوں کو بازیاب کرنے میں کیسے کامیاب ہوئی اوراغوار کار کون تھے اس حوالے سے ابھی تفصیلات نہیں سامنے آ سکیں ممکنہ طور پولیس کی جانب سے پریس کانفرنس میں معاملے کی تفصیلات بتائی جائیں گی

واضح رہے کہ پنجاب کے شہر خانپور میں دن دیہاڑے سکول جانیوالے دو کمسن بچوں کوگزشتہ روز اغوا کیا گیا تھا، رحیم یار خان کی تحصیل خان پور میں افسوسناک واقعہ پیش آیا ، سابق ایم ایس ٹی ایچ کیو خانپور حسن محمود کے دو کمسن بیٹوں کو سکول جاتے ہوئے گاڑی سے اتار کر اغوا کر لیا گیا دونوں بچے گاڑی میں ڈرائیور کے ساتھ اسکول جارہے تھے، مسلح افراد نے گن پوائنٹ پر بچوں کو اغوا کیا ،تھانہ سٹی کی حدود میں چغتائی ہوٹل کے قریب ماڈل ٹاؤن میں یہ واقعہ پیش آیا ، پولیس حکام کے مطابق ڈرائیور بچوں کو سکول چھوڑنے آیا تھا تین مسلح ملزمان نے اسلحہ کے زور پر گاڑی کو روکا اور 11 سالہ شایان ، سات سالہ سبحان کو اپنی گاڑی میں اغوا کر کے فرار ہو گئے،

مغوی بچوں کے والدین ڈاکٹر ہیں ڈاکٹر حسن محمود سابق ایم ایس ٹی ایچ کیو خانپور رہ چکے ہیں جبکہ انکی اہلیہ بھی ڈاکٹر ہیں ، پولیس نے واقعہ کا مقدمہ درج کر کے تحقیقات کا آغاز کر دیا ہے پولیس نے واقعہ کی سی سی ٹی وی فوٹیج بھی حاصل کر لی ہے، ایس ایچ او تھانہ سٹی نے جائے وقوعہ کا دورہ کیا اور والدین کو یقین دہانی کروائی کہ انکے بچوں کو جلد بازیاب کروا لیا جائے گا، ڈی پی او نے واقعہ کا نوٹس لیا ہے اور کمسن بچوں کی بازیابی کے لیے پولیس کو تمام تر کوششیں بروئے کار لانے کی ہدایت کی ہے،

ایس ایچ او تھانہ سٹی کا کہنا ہے کہ بچوں کو سکول چھوڑنے والے ڈرائیور کر شک کی وجہ سے حراست میں لیا ہے۔ ۔ ڈی پی او رحیم یارخان عمر کا کہنا ہے کہ خان پور میں پہلی دفعہ اس طرح کا واقعہ ہوا ، پولیس کی ٹیمیں تحقیقات کررہی ہیں ہیں جلد بچوں کو بازیاب کرا کر ملزمان کو کیفر کردار تک پہنچائیں گے

کمسن بچوں کے اغوا کی وجہ سے جہاں ڈاکٹر کمیونٹی میں غم و غصہ پایا جا رہا ہے وہیں اہل علاقہ بھی پریشان ہیں ، اہلیان علاقہ کا کہنا ہے کہ دن دہاڑے بچے اغوا کر لیے گئے اور اب بارہ سے زائد گھنٹے گزر گئے پولیس ابھی تک بچوں کو بازیاب نہیں کروا سکی، مفوی بچوں کے والدین نے بھی اعلی حکام سے اپیل کی ہے کہ وہ انکے بچوں کو بازیاب کروانے میں مدد کریں

Leave a reply