خود لباس سے تنگ کنگنا کو کسی دوسری خاتون کا مختصر لباس پریشان کر گیا

بالی وڈ اداکارہ کنگنا رناوت جنہوں نے بالی وڈ سے ہی شہرت حاصل کی اور اسی کو ہی باتیں کرتی رہتی ہیں کبھی اسکو نیپوٹیزم کا گڑھ بتاتی ہیں تو کبھی یہاں کے فلم میکرز کو بلیک میکرز اور مافیاز بتاتی ہیں . لیکن بالی وڈ سے الگ نہیں ہوتیں ، اداکارہ کوئی نہ کوئی ایسی بات ضرور کرتی رہتی ہیں کہ جس سے وہ لائم لائٹ میں رہیں ، انہوں نے حال ہی میں مندر میں کم کپڑے پہن کر آنے والی خاتون کو شدید تنقید کا نشانہ بناتے ہوئے اپنی زندگی کا ایک تجربہ بھی شیئر کردیا۔ کنگنا رناوت نے ٹوئٹر پر ایک خاتون کے شمالی ریاست ہماچل پردیش میں ہندوں کے مندر میں شارٹس پہن آنے کو نامناسب قرار دیتے ہوئے لکھا کہ ایک بار میں عیسائیوں کے مقدس شہر ویٹی کن میں ایسے ہی

شارٹس اور ٹی شرٹ پہن کر گئی تاہم مجھے کسی چرچ کی حدود میں بھی داخل نہ ہونے دیا گیا اور مجھے ہوٹل دوبارہ جانا کر پورے کپڑے زیب تن کرنے پڑے۔ انہوں نے لکھا کہ ایسے احمق لوگوں کے لیے سخت قوانین ہونے چاہیے۔ انہوں نے کہا کہ قوانین کا احترام کیاجانا چاہیے اور عبادت گاہوں میں جانے کے آداب نہیں‌بھولنے چاہیں. کنگنا کی اس ٹویٹر پوسٹ کے بعد ان کو کافی ٹرول کیا گیا ، کسی نے کہا کہ آپ کا اپنے بارے میں‌کیا خیال ہے؟ کسی نے کہا کہ کنگنا آپ کے منہ ایسی باتیں اچھی نہیں لگتیں.