کپل شرما کا پاکستان آنے کی خواہش کا اظہار

بھارت کے معروف مزاحیہ اداکار کپل شرما نے پاکستان آنے کی خواش کا اظہار کردیا۔

باغی ٹی وی : کپل شرما نے سماجی رابطے کی ویب سائٹ ٹوئٹر پر اپنے فالوورز کے لیے ایک سیشن رکھا جس میں انہوں نے مداحوں کے مختلف سوالات کے جوابات بھی دیئے۔

ایک صارف نے کپل شرما سے دریافت کیا کہ پاکستان آنے کی کوئی امید ہے؟،پاکستانی مداحوں کے لیے کوئی ایک لفظ کہہ دیں‘۔

I want to visit shri kartarpur sahib .. let’s see when 🙏 https://t.co/TBCO0cW1sY

— Kapil Sharma (@KapilSharmaK9) January 28, 2021

اس ٹویٹ کے جواب میں کپل نے لکھا کہ میں شری کرتار پور صاحب کا دورہ کرنا چاہتا ہوں مگر دیکھنا یہ ہے کہ یہ خواہش کب پوری ہوتی ہے۔

واضح رہے کہ پنجاب کے ضلع نارروال کے علاقے شکر گڑھ میں سکھ برداری کا مقدس ترین مقام موجود ہے، جہاں ہر سال لاکھوں بھارتی سکھ زیارت کے لیے آتے ہیں۔

حکومت پاکستان نے 2019 میں کرتار پور راہداری منصوبے کا آغاز کیا جس کے تحت سکھ یاتری کرتار پور آتے ہیں۔ تحریک انصاف کی حکومت کے اس اقدام کو دنیا بھر میں سراہا گیا تھا۔

کرتاپور راہداری کھلنے کے بعد اب تک بھارت سے ہزاروں کی تعداد میں سکھ زیارت کے لیے کرتار پور آچکے ہیں، جن میں معروف اداکار اور شخصیات بھی شامل ہیں۔