کپتان کو ملی آج پھر بڑی کامیابی، متحدہ اپوزیشن میں سوگ کی کیفیت

کپتان کو ملی آج پھر بڑی کامیابی، متحدہ اپوزیشن میں سوگ کی کیفیت

باغی ٹی وی کی رپورٹ کے مطابق خیبرپختونخوا اسمبلی میں سینیٹ انتخاب کے نتائج کا اعلان کر دیا گیا،تحریک انصاف کے ذیشان خانزادہ سینیٹرمنتخب ہو گئے،ذیشان خانزادہ نے 104 ووٹ حاصل کیے.

ڈالے گئے ووٹوں میں سے135 ووٹ درست قرارجبکہ 4 مسترد کئے گئے،مجموعی طورپر 139 ووٹ کاسٹ ہوئے جماعت اسلامی کے3 امیدواروں نےووٹ کاسٹ نہیں کیا.

پی ٹی آئی کےذیشان خانزادہ اوراپوزیشن کے فرزندعلی وزیرمدمقابل تھے، فرزند علی اپوزیشن کے مشترکہ امیدوار تھے. حکمران جماعت کو 145 کے ایوان میں 104 ووٹ اور اپوزیشن اتحاد نے کل 31 ووٹ حاصل کیے

خیبر پختونخواہ اسمبلی میں پی ٹی آئی کے 96، ایم ایم اے کے 18، اے این پی کے 12، ن لیگ کے 6، پی پی پی 5، آزاد 6 اور ق لیگ کا ایک ممبر تھا۔ خیبر پختونخوا اسمبلی میں بلوچستان عوامی پارٹی کے 5 ممبران ہیں۔ عوامی نیشنل پارٹی نے پیپلز پارٹی کے جرگہ کے بعد انتخابات سے اپنا امیدوار دستبردار کرانے اور پی پی امیدوار کی حمایت کا اعلان کیا تھا

نشست پیپلز پارٹی کے سابق سینیٹر خانزادہ خان کے مستعفی ہونے کے بعد خالی ہوئی تھی۔ تحریک انصاف کے ذیشان خانزادہ مستعفی ہونے والے سینیٹر خانزادہ خان کے فرزند ہیں۔ جنہوں نے آج سیٹ جیت لی.