باغی ٹی وی کی رپورٹ کے مطابق وزیراعظم عمران خان کی ہدایت پر کراچی میں برساتی نالوں کی صفائی کا تیسرا روز، اب تک 35 چوک پوائنٹس کو کلیئر کر دیا گیا،
نیشنل ڈیزاسٹر مینجمنٹ اتھارٹی کے ترجمان کے مطابق ایف ڈبلیو او گجر نالہ، کورنگی نالہ اور مواچھ گوٹھ نالہ پر کام کر رہا ہے۔ تین بڑے نالوں پر کل 42 مقامات پر چوک پوائنٹس تھے۔ اب تک 35 چوک پوائنٹس کو کلئیر کیا جا چکا ہے۔ گجر نالہ 80 فیصد، کورنگی 85 فیصد اور مواچھ گوٹھ نالہ 75 فیصد تک صاف کیا جا چکا ہے۔
گزشتہ روز تقریباً 10 ہزار ٹن کچرا نالوں سے نکالا گیا۔ اب تک تین بڑے نالوں سے 20 ہزار ٹن سے زائد کچرا نکالا جا چکا ہے۔ ایف ڈبلیو او کو 8 اگست تک تینوں نالوں کی مکمل صفائی کا ٹاسک دیا گیا ہے۔ ترجمان کے مطابق چئیرمین این ڈی ایم اے ایف ڈبلیو او اور دیگر متعلقہ اداروں سے مسلسل رابطہ میں ہیں۔ وزیراعظم کو روزانہ کی بنیاد پر کام کی پیش رفت سے آگاہ کیا جا رہا ہے۔
شہر قائد کراچی میں مون سون کا چوتھا سلسلہ ، این ڈی ایم اے نے بھی شہریوں کو خبردار کردیا
این ڈی ایم اے کی ایس ایم ایس سروس کے ذریعے شہریوں سے محتاط رہنے کی اپیل کی گئی ہے،کراچی میں مون سون کے تیسرے سلسلے نے ضلع وسطی اور غربی کو متاثر کیا تھا،نارتھ ناظم آباد ، کے ڈی اے چورنگی ، لنڈی کوتل ، ایف سی ایریا اور لیاقت آباد شدید متاثر ہوئے، ضلع غربی میں اورنگی ٹاؤن کی علی گڑھ کالونی بھی نالہ اوور فلو ہونے سے متاثر ہوئی تھی
ماہرین کا کہنا ہے کہ کراچی کے بڑے نالوں کی صفائی کے باوجود اربن فلڈنگ کے خطرات موجود ہیں
علی زیدی کو خبرنامہ پڑھنے کی ضرورت نہیں ،حل کی بات کریں،مصطفیٰ کمال
بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی
کراچی میں آج سے ہفتے تک تیز بارشوں کا امکان ہے۔ محکمہ موسمیات کے مطابق آج شام کو خلیج بنگال سے مون سون ہوا کا کم دباؤ سندھ میں داخل ہوگا اور کراچی میں سوملی میٹر سے زائد بارش متوقع ہے۔ محکمہ صحت سندھ کےاسپتالوں میں ایمرجنسی نافذ ہے جب کہ میڈیکل اورپیرامیڈیکل اسٹاف کی چھٹیاں منسوخ کردی گئیں ہیں۔
