کراچی واقعہ انکوائری رپورٹ :بلاول خوش:آرمی چیف نے وعدہ پوراکردیا:پاکستان پیپلزپارٹی

گلگت:کراچی واقعہ انکوائری رپورٹ :پیپلزپارٹی مطمئن:آرمی چیف نے وعدہ پوراکردیا،اطلاعات کے مطابق کراچی واقعہ کی انکوائری رپورٹ کی بنیاد پراس واقعہ میں ملوث اہلکاروں کی برطرفی کے واقعہ پرپاکستان پیپلزپارٹی نے اطمنان کااظہارکرتے ہوئے درست قراردیا ہے ،

پاکستان پیپلز پارٹی کے چیئرمین بلاول بھٹو زرداری کو گلگت میں پاک فوج کی طرف سے انکوائری رپورٹ کے بارے میں بتایاگیا تو وہ بہت خوش ہوئے اورکہا کہ آرمی چیف نے وعدہ پورا کردکھایا

گلگت بلتستان کے علاقے نگر میں عوامی اجتماع سے خطاب کرتے ہوئے بلاول بھٹو کا کہنا تھا کہ ’میں نے اس معاملے پر ایکشن لینے کا مطالبہ کیا تھا اور اب مجھے خوشخبری مل رہی ہے کہ چیف آف آرمی سٹاف نے انکوائری بھی کی اور ایکشن بھی لیا۔

بلاول بھٹو نے اس جلسہ عام میں کہا کہ ہمیں اس کو ویلکم کرنا چاہیے۔ اس قسم کے ایکشن سے اداروں کی انٹیگریٹی (سالمیت) میں اضافہ ہوتا ہے اور جمہوری طریقہ کار بھی یہی ہے کہ جو بھی غلطی ہو اس کی تحقیقات ہوں اور ایکشن لیا جائے۔ جمہوریت کے لیے ہمیں مل کر کام کرنا پڑے گا۔‘