کراچی کے حوالے سے بلاول نے عمران خان پر لگایا سنگین الزم

باغی ٹی وی : کراچی کے حوالے سے بلاول نے عمران خان پر لگایا سنگین الزم

چیئرمین پی پی پی بلاول بھٹو زرداری نے وفاقی حکومت کی جانب سے کراچی کی صنعتوں کے لئے سوئی گیس کی فراہمی منقطع کرنے کے عمل پر تشویش کا اظہار کیا ہے .

چیئرمین بلاول بھٹو زرداری کا کہنا ہے کہ کراچی کی صنعتوں کو سوئی گیس کی فراہمی روک کر عمران خان نے ملکی معیشت پر ایک اور کاری ضرب لگائی ہے، تعجب کی بات ہے کہ پورے ملک میں صرف کراچی کے صنعت کاروں کے لئے گیس کی فراہمی بند کی جارہی ہے،

چیئرمین بلاول بھٹو زرداری نے کہا کہ سندھ کی تمام 14 گیس فیلڈز میں بحالی کا کام ایک ساتھ شروع کرنے کے مبینہ دعوے کے بعد کراچی کی صنعتوں کو گیس کی فراہمی بند کی گئی، عمران خان نے کراچی کی صنعتوں کے لئے گیس کی فراہمی بند کرکے نہ صرف ملکی برآمدات بلکہ صنعت کاروں کی ساکھ کو بھی داؤ پر لگادیا،

بلاول بھٹو زرداری کا مزید کہنا تھا کہ آئینی طور پر سوئی گیس پیدا کرنے والے بلوچستان اور سندھ کا پہلا حق ہے کہ وہاں سب سے پہلے گیس فراہم کی جائے، ایک جانب عمران خان کی ہدایت پر سوئی سدرن گیس کمپنی نے کراچی کی صنعتوں کو گیس کی فراہمی روک دی اور دوسری جانب ادارے سے ملازمین کو بغیر وجہ اور نوٹس نکالا جارہا ہے،

عمران خان منظم طریقے سے پاکستانی معیشت اور ریاستی اداروں کو تباہ کرنے کے منصوبے پر عمل پیرا ہیں،