کراچی کے مختلف علاقوں‌ میں 8 گھنٹے سے زائد بجلی کی لوڈشیڈنگ نے شہریوں کا جینا محال کر دی

کراچی کے مختلف علاقوں‌ میں 8 گھنٹے سے زائد بجلی کی لوڈشیڈنگ نے شہریوں کا جینا محال کر دی
باغی ٹی وی : کراچی کے مختلف علاقوں میں 8 گھنٹے سے زائد بجلی کی لوڈشیڈنگ نے شہریوں کا جینا محال کر دیا، ملیرسٹی، سرجانی ٹاؤن، لانڈھی، کورنگی سمیت کئی علاقے سب سے زیادہ متاثر ہیں۔
کے الیکٹرک کی جانب سے بڑے بڑے دعوؤں کے باوجود شہر میں لوڈشیڈنگ تھم نہ سکی۔ مختلف علاقوں میں 8 گھنٹوں سے زائد کی لوڈشیڈنگ جاری ہے۔ سرجانی ٹاؤن، لانڈھی، کورنگی، ملیر سٹی، اورنگی ٹاؤن، کیماڑی، ہزارہ کالونی، لیاقت آباد، گلشن حدید سمیت دیگر علاقے لوڈشیڈنگ سے زیادہ متاثر ہیں۔

شہریوں کا کہنا ہے کہ تکنیکی فالٹس اور لوڈ مینجمنٹ کے نام پر پورا پورا دن بجلی بند رہتی ہے۔

غیراعلانیہ لوڈشیڈنگ پر، نیپرا نے کے الیکٹرک کا لائسنس معطل کرنے کاعندیہ دے دیا

اس سے قبل کراچی میں ہونے والی بارشوں کے وقت متاثرہ مقامات پر کراچی میونسپل کارپوریشن (کے ایم سی)، ڈی ایم سی اور محکمہ واٹر اینڈ سیوریج بورڈ کی جانب سے سکنگ پمپ نصب کیے جاتے تھے جن کی مدد سے پانی کی نکاسی ہوتی تھی البتہ حالیہ بارشوں میں ایک بھی پمپ نصب نہیں کیا گیا۔