کراچی : محکمہ موسمیات کے جانب سے جاری بیان کے مطابق آج سمندری ہوائیں بحال ہو گئی ہیں-
باغی ٹی وی : محکمہ موسمیات کا کہنا ہے کہ کراچی میں طوفانی گرد آلود گرم اور تیز ہوائیں چلنے کے بعد آج سمندری ہوائیں بحال ہو گئی ہیں شہرِ قائد میں 21 کلو میٹر فی گھنٹہ کی رفتار سے ہوائیں چل رہی ہیں جن میں نمی کا تناسب 75 فیصد ہے۔
محکمہ موسمیات نے بتایا کہ کراچی میں آئندہ 24 گھنٹوں کے دوران موسم گرم اور مرطوب رہنے کا امکان ہے۔
محکمہ موسمیات کے مطابق کہ شہر میں آج کم سے کم درجہ حرارت 29 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 36 سے 38 ڈگری سینٹی گریڈ کے درمیان رہنے کا امکان ہے۔
