کراچی میں سیاسی جگہ بناتی ق لیگ کو بڑا جھٹکا لگ گیا،پارٹی رہنماؤں نے استعفیٰ دیدیا
کراچی میں سیاسی جگہ بناتی ق لیگ کو بڑا جھٹکا لگ گیا ،سندھ کے صدر اور پارٹی کے دیرینہ کارکن سابق ڈپٹی مئیر کراچی طارق حسن نے قیادت سے دلبرداشتہ ہو کر استعفی دیدیا ،طارق حسن نے ق لیگ کی سندھ کی صدارت سے مستعفی ہونے کا فیصلہ کرلیا ،طارق حسن کا کہنا تھا سندھ کی تنظیم سازی سے متعلق اعتماد میں نہیں لیاجارہا۔
پاکستان مسلم لیگ ق کراچی کے نائب صدر فیصل علی بلوچ اور لائرز ونگ سندھ کے صدر زبیر ہاشمی احتجاجاً مستعفیہو گئے سندھ کے صدر محمد طارق حسن سے اظہار یکجہتی کرتے ہیں لیگی رہنما
آج مسلم لیگ سندھ کے عہدیداران و کارکنان کا اہم اجلاس طلب کرلیا گیا ہے احتجاجاً اپنے استعفے جمع کروارہے ہیں انور شاہ کشمیری ، آفاق خٹک
تفصیلات کے مطابق پاکستان مسلم لیگ سندھ کے صدر محمد طارق حسن کے ساتھ کھڑے ہیں ان کی محنت و کاوشوں سے آج سندھ میں ق لیگ ابھر کر سامنے آرہی ہے تب سازشی عناصر اسے توڑنے میں لگے ہیں پاکستان مسلم لیگ ق کراچی کے نائب صدر فیصل علی بلوچ اور لائرز ونگ سندھ کے صدر محمد زبیر ہاشمی ، سندھ کے نائب صدر و ضلع وسطی کے صدر انور شاہ کشمیری ، ایڈیشنل جنرل سیکریٹری سندھ آفاق خٹک نے احتجاجاً اپنا استعفی سندھ کے صدر محمد طارق حسن کو پیش کرتے ہوئے
ان خیالات کا اظہار کیا لیگی رہنماؤں کا کہنا تھا کے طارق حسن نے جس طرح سے سب کو یکجا کیا اور سندھ میں تنظیم سازی کی اس کی نظیر نہیں ملتی ہمارے ساتھ بہت سے ساتھیوں نے احتجاجاً استعفی جمع کروادیا ہے جن میں محمد تنویر ، محمد وجاہت ، اسامہ ، سرفراز ، علاؤالدین ، عمران ، ثاقب ، لئیق ایڈووکیٹ و سندھ کے دیگر اضلاع کے کارکنان ہیں اور سندھ بھر سے استعفے موصول ہورہے ہیں ان رہنماؤں نے مزید کہا آج بروز جمعہ ہنگامی اجلاس مسلم لیگی عہدیداران نے تمام سندھ بھر کے عہدیداروں کا طلب کرلیا ہے جس کے بعد اہم فیصلے کیئے جائیں گے اور کراچی پریس کلب پر احتجاج اور اجتماعی طور پر استعفے پیش کیئے جاسکتے ہیں
