کراچی میں ویکسی نیشن مراحل نظرانداز کئے جانے کا انکشاف

شہر قائد میں شہریوں کی جانب سے کورونا ویکسی نیشن کے مراحل نظرانداز کیے جانے کا انکشاف ہواہے ‘ شہری ویکسین لگا کر انٹری کے بغیر چلے جاتے ہیں۔

تفصیلات کے مطابق کراچی میں 50سے زائد مراکز پرویکسی نیشن کاسلسلہ جاری ہے تاہم ویکسی نیشن کی دونوں ڈوز مکمل کرنے والے متعدد شہری سرٹیفکیٹ کے حصول سے محروم ہیں۔

شہریوں کی جانب سے ویکسی نیشن کے مراحل نظرانداز کیے جانے کا انکشاف سامنے آیا ، ڈیٹا انٹری آپریٹر کا کہنا ہے کہ ویکسی نیشن کیلئے تین مراحل سے گزرنا پڑتا ہے‘ پہلا مرحلہ رجسٹریشن ، دوسرا ویکسین اور تیسرا مرحلہ سسٹم میں اندارج کا ہے، رش کی صورت میں شہری ویکسین لگا کر انٹر ی کے بغیر چلے جاتے ہیں۔

ماہرین نے کہا کہ مطلوبہ معلومات نہ ہونے کے سبب سرٹیفکیٹ جاری نہیں کیا جاتا، نادرا میں انٹرنیٹ کنیکٹویٹی اور لوڈشیڈنگ بھی مسائل کی وجہ ہے۔