کراچی میں پتنگ کی ڈور گردن پر پھرنے سے نوجوان ہلاک

کراچی شارع قائدین پر پتنگ کی ڈور گردن پر پھرنے سے نوجوان کی ہلاکت کا مقدمہ درج کرلیا گیا۔شارع قائدین پر ایک درخت میں پھنسی پتنگ کی ڈور گردن پر پھرنے سے موٹر سائیکل سوار عمیر جاں بحق ہوگیا اور واقعے کا مقدمہ درج کرلیا گیا۔ایس ایچ او فیروز آباد انسپکٹر اورنگ زیب خٹک نے بتایا کہ مقدمہ الزام نمبر متوفی کے بھائی کی مدعیت میں نامعلوم ملزمان کے خلاف درج کیا گیا ہے ، مقدمے میں قتل بالسبب کی دفعہ عائد کی گئی ہے۔یاد رہے کہ اس سے قبل کچھ عرصہ پہلے گلبہار کے علاقے میں پتنگ کی ڈور پھرنے سے نوجوان کی ہلاکت کا مقدمہ درج کیا جاچکا ہے جس میں باپ بیٹا ملزمان کو گرفتار بھی کیا گیا تھا۔