کراچی میں تاجران کا دن کی روشنی سے زیادہ سے زیادہ فائدہ کا فیصلہ

کراچی میں تاجران کا دن کی روشنی سے زیادہ سے زیادہ فائدہ کا فیصلہ

باغی ٹی وی ، کراچی میں‌ انرجی کی بچت کا ایک اچھا طریقہ اپنایا گیا ہے الیکٹرونک ڈیلرز ایسوسی ایشن کراچی کے صدر محمد رضوان کا کہنا ہے کہ صبح 10بجے کام کا آغاز کرنے کا فیصلہ کیا ہے۔پیٹرن ان چیف کراچی ہول سیل گروسرز ایسوسی ایشن انیس مجید کے مطابق ہول سیل مارکیٹ جوڑیا بازار بھی عام طور پر صبح 10بجے کھول دی جاتی ہے۔

تاجران نے کہا کہ مارکیٹیں جلد کھلنے اور جلد بند ہونے سے بجلی کی بچت ہوگی۔شہر میں سب سے پہلے بولٹن مارکیٹ کے تاجروں نے دکانیں جلد کھولنے کا اعلان کیا جبکہ دوسرا فیصلہ آرام باغ مارکیٹ الیکڑک مارکیٹ کی جانب سے کیا گیا۔چئیرمین آل کراچی تاجر اتحاد کا کہنا ہے کہ کراچی میں خریداروں کا جلد مارکیٹیں آنے کا رجحان نہیں ہے۔

چئیرمین سندھ تاجر اتحاد جمیل پراچہ نے کہا کہ تاجروں کے اجتماعی فیصلوں سے عمل درآمد بہتر ہوتا ہے۔ بڑے بڑے مال اور مارٹ کو بھی جلد کھولنے اوربند کرنے پر آمادہ کیا جائے۔ان کا مزید کہنا تھا کہ رات گئے توانائی کا زیادہ استعمال بڑے شاپنگ پلازہ اور مارٹ کرتے ہیں۔