Home›بین الاقوامی›کرینہ کپور خا ن کا ڈریم ہوم کیسا ہے؟

کرینہ کپور خا ن کا ڈریم ہوم کیسا ہے؟

جنوری 3, 2021

بالی وڈ اداکارہ کرینہ کپور خان نے ممبئی میں واقع نئے اپارٹمنٹ کی تصاویر شیئر کرتے ہوئے اسے اپنا ’ڈریم ہوم ‘قرار دیا۔

باغی ٹی وی : بھارتی خبر رساں ادارے ٹائمز آف انڈیا کے مطابق بالی وڈ اداکارہ کرینہ کپور خان ان دنوں اپنے شوہر اداکار سیف علی خان کے ہمراہ نئے مہمان کی آمد کی تیاریوں میں مصروف ہیں جس کے تحت کرینہ کپور اور سیف علی خان نئے اپارٹمنٹ کی تزئین و آرائش بھی کروا رہے ہیں۔

گزشتہ روز کرینہ کپور خان کی جانب سے سوشل میڈیا پلیٹ فارم انسٹاگرام اسٹوری پر تصویر شیئر کی گئی۔

تصویر میں کرینہ کپور خان کو سیاہ لباس تن کیے ایک خاتون کے ہمراہ اپارٹمنٹ کی چھت کی جانب اشارہ کرتے دیکھا جا سکتا ہے۔

شیئر کی گئی تصویر میں اداکارہ کی جانب سے درج کیے گئے کیپشن میں لکھا گیا کہ ’ہمارے پسندیدہ ڈیزائنردارشنی کے ساتھ واپسی‘

بھارتی میڈیا کے مطابق اپارٹمنٹ کی خواہاں بالی وڈ کی مقبول اداکار جوڑی وبائی مرض کے دوران نئے اپارٹمنٹ کی ڈیکوریشن میں مصروف ہے۔

خیال رہے کہ سیف علی خان کی دوسری اہلیہ اداکارہ کرینہ کپور دوسری بار حاملہ ہیں اور ان کے ہاں رواں ماہ ننھے مہمان کی آمد متوقع ہےجبکہ گزشتہ برس بھارتی میڈیا کو دیے گئے انٹرویو میں سیف علی خان بھی اپنے نئے گھر کی تزئین و آرائش کے حوالے سے تصدیق کر چکے ہیں۔