کارگو ٹرینوں کے کرایوں میں 30 سے 35 فیصد تک اضافہ کردیا گیا ہے.
ریلوے حکام نے کارگو ٹرینوں کے کرایوں میں 30 سے 35 فیصد تک اضافہ کر دیا۔ محکمہ کی جانب سے جاری نوٹیفکیشن کے مطابق لاہور اور بادامی باغ اسٹیشن سے کراچی تک کارگو ٹرینوں کا کرایہ بڑھا کر ساڑھے 3لاکھ روپے کر دیا گیا ہے جبکہ اس سے قبل کارگو ٹرین کا کرایہ 2 لاکھ 65ہزار 790 روپے تھا۔
فیصل آباد سے کراچی تک کارگو ٹرینوں کا کرایہ بڑھا کر 2 لاکھ 29ہزار670 کر دیا گیا ہے جبکہ اس سے قبل اس ٹرین کا کرایہ 1لاکھ 73ہزار 765 روپے تھا۔ ملتان سے کراچی تک کارگو ٹرینوں کا کرایہ بڑھا کر 2لاکھ 65 ہزار950روپے کر دیا گیا ہے جبکہ اس سے قبل ملتان کراچی کے درمیان کارگو ٹرین کا کرایہ 2 لاکھ ایک ہزار 480 تھا۔
مزید یہ بھی پڑھیں؛
سعودی عرب نےانسداد وبائی امراض کیلئےعالمی فنڈ میں 5 کروڑ ڈالرعطیہ کرنےکا اعلان کیا
سکھر حیدرآباد موٹر وے منصوبےکی رقم میں پونے 2 ارب روپےکی مبینہ کرپشن کا انکشاف
جلسے کی وجہ سڑک بند ہونے سے مشکلات محمود خان اور مراد سعید کے خلاف درخواست درج
راولپنڈی پولیس کو شیخ رشید پر حملے کی کال موصول،شیخ رشید کی سیکیورٹی بڑھا دی گئی
بچپن میں پریشان کن اور برے حالات جوانی میں امراض قلب کا باعث بن سکتے ہیں ،تحقیق
کرایوں میں ہوش روبا اضافہ پر تاجروں نے ریل سے سامان کی ترسیل کے بجائے روڈ ٹرانسپورٹ کو استعمال کرنا شروع کر دیا، کارگو ٹرین نہ چلنے سے محکمہ کو کروڑوں روپے کے نقصان کا سامان کرنا پڑ رہا ہے۔ ریلوے حکام نے کارگو ٹرینوں میں اضافہ کرنے کے لیے گزشتہ ایک ہفتہ سے بلاوجہ اَپ اور ڈاؤن کی کارگو ٹرینوں کو روکے رکھا ہوا تھا۔ خسارے میں ڈوبے محکمہ کے افسروں کی غلط پالیسیوں کی وجہ سے کارگو ٹرین سے تاجر برادری نے سامان کی ترسیل بند کر دی، ملتان سے بھی تاجروں نے کرایوں میں اضافہ پر کارگو ٹرین کئی روز سے بند ہے۔
