کارتک آریان نے 10 دن کی شوٹنگ کا بھاری معاوضہ وصول کرکے اپنے ہمعصر اداکاروں کو پیچھے چھوڑ دیا

ممبئی : بھارتی اداکار کارتک آریان نے رام مدھوانی کی فلم ’دھماکا‘کی شوٹنگ صرف10دن میں مکمل کرکے بالی وڈ میں تاریخ رقم کر دی-

باغی ٹی وی : کارتک آریان نے نہ صرف دن میں فلم کی شوٹنگ مکمل کراکر بالی ووڈ میں تاریخ رقم کر دی بلکہ اس کے عوض انہوں نے بھاری رقم وصول کرکے اپنے ہم عصر اداکاروں کو پیچھے چھوڑ دیا –

بھارتی میڈیا رپورٹس کے مطابق ، کارتک آریان نے فلم دھماکا کی 10 روزہ شوٹ مکمل کرنے کے لیے 20 کروڑ بھارتی روپے (تقریباً 43 کروڑ پاکستانی روپے ) کی فیس لی۔

واضح رہے کہ کارتک آریان نے اپنی پہلی فلم ʼ’پیار کا پنچ نامہ‘کے لیے صرف ایک لاکھ 25 ہزار روپے (یعنی تقریباً پونے تین لاکھ روپے پاکستانی ) وصول کیے تھے۔

دوسری جانب فلمی ناقدین اب کارتک آریان کا موازنہ اکشے کمار سے کر رہے ہیں کیونکہ صرف نو فلموں کے بعد ، 20کروڑ کی فیس اداکار کے کیریئر کے اہم مقام کی نمائندگی کرتی ہے-

مییا رپورٹس کے مطابق اکشے کمار اور کارتک دونوں ایک ہی پس منظر سے آئے ہیں۔ دونوں ایک پنجابی گھرانے سے ہیں اور دونوں کا نہ تو کوئی گاڈ فادر ہے اور نہ ہی فلموں میں ان کا کوئی تعلق ہے لیکن دونوں کا جادو با لی وڈ میں چل رہا ہے۔

دوسری جانب اکشے کی فیس 9 فلموں کے بعد کارتک کے 20 کروڑ کے قریب نہیں تھی کارتک کے کیریئر میں فلم ʼسونو کے ٹیٹو کی سویٹی ʼاہم موڑ تھی۔ ایروز ناؤ(Eros Now) نے کارتک کو 90 کروڑ میں 3 فلموں کی پیش کش کی ہے جو اطلاعات کے مطابق انہوں نے ٹھکرا دی ہےایسی صورتحال میں ، یہ بات واضح ہے کہ کارتک آج سب سے زیادہ معاوضہ لینے والا اداکار بن رہا ہے۔

یاد رہے کہ کارتک آریان اس وقت کورونا وائرس کا شکار ہیں جس کی وجہ ان کی آئندہ فلموں کی مزید شوٹنگ رکی ہوئی ہے۔

بھارتی اداکار کارتک آریان بھی کورونا وائرس کا شکار