پاکستان شوبز انڈسٹری کے نامور اداکار و میزبان فیصل قریشی نے قائد حزب اقتدار میاں شہباز شریف کے موٹر وے حادثے پر دیئے گئے بیان پر کہا کہ کاش میاں شہباز شریف یہ کہتے کہ ہم نے موٹر وے اس لئے نہیں بنائی تھی کہ یہ ظلم ہو-
باغی ٹی وی: گزشتہ روز ن لیگ کے صدر میاں شہباز شریف نے موٹروے ریپ کیس پر اسمبلی کے اندر گفتگو کرتے ہوئے کہا ہے کہ "جس موٹر وے پر یہ حادثہ ہوا، یہ کہنا نا مناسب ہو گا کہ یہ موٹر وے الحمد للہ میاں نواز شریف نے بنائی.
”قائد حزب اقتدار میاں شہباز شریف نے قومی اسمبلی میں اپنے خطاب میں کہا ہے کہ موٹر وے واقعے پر ہر آنکھ اشکبار ہے لیکن وزیراعظم کو کوئی پرواہ نہیں ہے بلکہ حکومت اس بحث میں الجھی ہوئی تھی کہ موٹر وے پر کس کا کنٹرول ہے۔
اپوزیشن لیڈر نے کہا ہے کہ اس واقعے سے سر شرم سے جھک گئے ہیں اور موٹر وے واقعے پر سی سی پی او لاہور کے شرمناک بیان سے پوری قوم کے دل دکھی ہیں۔
انہوں نے کہا ہے کہ موٹر وے واقعے پر اپوزیشن جماعتوں نے ذمہ داری کا مظاہرہ کیا ہے کوئی سیاست نہیں کی گئی۔انہوں نے کہا ہے کہ اپوزیشن آج مراد سعید سے استعفٰی دلوانے کے لیے بحث کر رہی ہے جبکہ ایسا واقعہ کراچی میں ہو یا جنگل میں ہم سب کی ذمہ داری ہے۔انہوں نے بتایا کہ اپوزیشن جماعتوں کی بحث کامحورنظام کودرست کرنا نہیں ہے کیونکہ اس بات پربحث نہیں ہورہی ہے کہ درندوں کوکیسےعبرت کانشان بنایاجائے ۔
ہم نے موٹر وے اس لئے نہیں بنائی تھی کہ یہ ظلم ہو ، ہم نے خوشحالی اور ترقی کے لئے بنائی تھی ان ظالموں نے سیکورٹی کا انتظام نہ کرکے ہم سے یا موٹر وے سے نہیں، قوم سے انتقام لیا۔
Kash ayese khe daity— Faysal Quraishi (@faysalquraishi) September 15, 2020
ان کے اس بیان کے پر ردعمل دیتے ہوئے فیصل قریشی نے سماجی رابطے کی ویب سائٹ ٹوئٹر پر اپنے ٹوئٹ میں کہا کہ کا ش میاں صاحب ایسے ہی کہہ دیتے کہ ہم نے موٹر وے اس لئے نہیں بنائی تھی کہ یہ ظلم ہو ، ہم نے خوشحالی اور ترقی کے لئے بنائی تھی ان ظالموں نے سیکورٹی کا انتظام نہ کرکے ہم سے یا موٹر وے سے نہیں، قوم سے انتقام لیا۔
