مقبوضہ کشمیر ، مجاہدین کے حملے، بھارتی فوجی ہلاک و زخمی .گاڑی تباہ

مقبوضہ کشمیر میں مجاہدین کے حملوں سے بھارتی فوجی ہلاک اور زخمی ہو گیا جبکہ ایک دوسرے واقعے میں فوجی گاڑی بارودی سرنگ سے جزوی طور پر تباہ ہو گئی
مقبوضہ کشمیر جنوبی ضلع شوپیان وقت ایک فوجی اہلکار ہلاک اور دوسرا زخمی ہوگیا جب جنگجوئوں اور فورسز کے مابین شدید معرکہ آرائی ہوئی۔

یہ معرکہ آرائی رات اُس وقت شروع ہوئی جب فوج ،سی آر پی ایف اور ایس او جی اہلکاروں نے مشترکہ طورپاندوشن نامی گائوں کو محاصرے میں لیکر تلاشی آپریشن کا آغاز کیا۔

دفاعی ذرائع نے فوجی ہلاکت کی تصدیق کرتے ہوئے مہلوک فوجی کی شناخت 8جاٹ کے رنبیر کے طور کی جو34آر آر سے وابستہ تھا۔زخمی فوجی کی شناخت دیپک کے طور ہوئی ہے۔

ادھر دوسری طرف جنوبی ضلع پلوامہ میں جمعہ کی صبح جنگجوئوں نے ایک فوجی گاڑی کو بارودی دھماکے کی زد میں لاکر گاڑی کو نقصان پہنچایا ۔یہ واقع اس وقت پیش آیا جب ایک فوجی گاڑی لیتر علاقے سے گذر رہی تھی اور وہ ایک زیر زمین بارودی سرنگ کی زد میں آگئی۔