کشمیر ایشو پر دو ٹوک موقف، عمران خان تمام وزرائےاعظم پر بازی لے گئے

اسلام آباد: میجر جنرل ریٹائر اعجاز اعوان نے کہا ہے کہ وزیراعظم عمران خان نے جس طرح کشمیر کے موقف پر دو ٹوک اسٹینڈ لیا ہے، پاکستان کی تاریخ میں کسی وزیراعظم نے اس طرح اسٹینڈ نہیں لیا.

تفصیلات کے مطابق نجی ٹی وی کے پروگرام میں گفتگو کرتے ہوئے میجر جنرل ریٹائر اعجاز اعوان نے عمران خان کی تقریر پر ردعمل دیتے ہوئے کہا کہ "عمران خان کا یہ کہنا کہ دنیا کشمیر کے ساتھ کھڑی ہو یا نہ ہو، ہم پاکستانی کشمیر کی آزادی تک کشمیر کے ساتھ کھڑے رہیں گے” شاندار بات ہے، ساتھ ہی اعجاز اعوان نے کہا کہ میری یاداشت بتاتی ہے کہ جس طرح وزیراعظم عمران خان نے کشمیر پر اسٹینڈ لیا ہے، کسی پاکستانی وزیراعظم نے اس طرح اسٹینڈ نہیں لیا.

واضح رہے کہ وزیراعظم عمران خان نے قوم سے خطاب کرتے ہوئے کہا کہ "میں دنیا میں کشمیر کا سفیر بنوں گا، دنیا کشمیر کے ساتھ کھڑی ہو یا نہ ہو، ہم پاکستانی کشمیر کی آزادی تک کشمیر کے ساتھ کھڑے رہیں گے”.