جمعہ کو کشمیریوں سے یکجہتی کیلئے احتجاج، عمران خان کہاں شریک ہوں گے؟ اہم خبر

جمعہ کے روز کشمیریوں کے ساتھ قوم کےاظہار یکجہتی کا ابتدائی پروگرام تیار کر لیا گیا ہے،

باغی ٹی وی کی رپورٹ کے مطابق ملک بھر میں 12 سے ساڑھے 12 بجے تک ٹریفک روک دی جائے گی، وفاقی حکومت کا مرکزی اجتماع شاہراہ دستور پر ہوگا، وزیراعظم عمران خان، وزیراعظم سیکریٹریٹ کے سامنے اجتماع کی قیادت کریں گے، ملک بھر کے تمام اضلاع میں احتجاج کیا جائے گا، احتجاج کیلیے جگہ کے تعین کیلیے ڈپٹی کمشنرز کو ٹاسک سونپ دیا گیا، عوامی نمایندے اپنے حلقوں میں احتجاج کی قیادت کریں گے،

احتجاج کیلیے سول سوسائٹی اور طلبا کو بھی دعوت دی جائے گی، واضح رہے کہ حکومت پاکستان کی طرف سے جمعہ کے دن کشمیریوں سے یکجہتی کیلئے احتجاج کا اعلان کیا گیا ہے اور کہا گیا ہے کہ سرکاری ملازمین دفاتر میں کام بند کر کے نصف گھنٹہ کشمیریوں کیلئے نکالیں، وزیر اعظم کے اس اعلان پر عوام میں زبردست جوش و جذبہ پایا جاتا ہے،