مقبوضہ کشمیر، وولر جھیل میں کشتی الٹ گئی، ماں‌ بیٹی کو ڈوبنے سے بچا لیا گیا

مقبوضہ کشمیر کے بانڈی پورہ ضلع میں وولر جھیل میں‌ کشتی الٹ گئی جس میں سوار ماں‌ بیٹی کو بچا لیا گیا ہے.

باغی ٹی وی کی رپورٹ‌ کے مطابق وولر جھیل میں‌ زوریمنز نامی گاؤں‌ کے قریب کشتی الٹی. جس جگہ یہ واقعہ پیش آیا نیوی کا کیمپ بھی قریب تھا جس پر نیوی اہلکاروں نے فوری طور پر کاروائی کی اور ماں بیٹی کو ڈوبنے سے بچالیا گیا۔

جن کشمیری ماں بیٹی کو بچایا گیا ہے ان کی شناخت رفیقہ بیگم اور اس کی بیٹی لالی کے طور پر ہوئی ہے. ان کا کہنا تھا کہ وہ جھیل ولر کے راستے سوپور جارہی تھیں تاہم ان کی کشتی اُلٹ گئی۔ واضح رہے کہ گزشتہ روز کشمیر میں‌ دریائے لدر میں بھی کشتی الٹنے کا واقعہ پیش آیا تھا.