مظفر آباد: کشمیر پریمیر لیگٌ:باغ سٹالینز نے میرپور رائلز کو 15 رنز سے ہرا دیا ،اطلاعات کے مطابق کشمیرپریمیرلیگ کے چوتھے اور آج کے پہلے میچ میں باغ سٹالینز نے میرپور رائلز کو 15 رنز سے ہرادیا ۔
کھیل کے میدان سے ملنے والی خبروں میں کہا گیا ہے کہ مظفر آباد میں کھیلے گئے میچ میں میرپور رائلز کے خلاف باغ سٹالینز نے ٹاس جیت کر پہلے بیٹنگ کرنے کا فیصلہ کیا۔ باغ سٹالینز نے پہلے بیٹنگ کرتے ہوئے میرپور رائلز کو 212 کا ہدف دیا، ہدف کے تعاقب میں میرپور کی ٹیم مقررہ 20 اوورز میں 8 وکٹ پر 196 رنز سکور کرسکی ۔
ذرائع کے مطابق باغ سٹالینز نے مقررہ اوورز میں 6 وکٹ پر211 رنزبنائے، باغ سٹالینز کی جانب سے شان مسعود نے عمدہ بیٹنگ کرتے ہوئے 78 رنزکی اننگز کھیلی۔ اسد شفیق نے 54 اور روحیل نذیرنے 36 رنز بنائے جب کہ عامر یامین نے 15 گیندوں پر 30 رنز بنائے۔
باغ سٹالینز کے عامر یامین کا کہنا ہے کہ اللہ کا شکر ہے میری پرفارمنس ٹیم کے کام آئی۔ میرپور رائلز کے کپتان شعیب ملک نے کہا کہ ہماری فیلڈنگ اچھی نہیں رہی، اگلے میچ میں کم بیک کرنے کی کوشش کریں گے۔
Leave a reply
