مقبوضہ کشمیر:کشمیر یونیورسٹی میں اردو بک فیئر،ممتاز کشمیری حریت لیڈر سید علی گیلانی مہمان خصوصی

مقبوضہ کشمیر:اردو ہے جس کا نام اب وہ کشمیر یونیورسٹی جا پہنچی .کشمیر یونیورسٹی میں آج جمعہ کے روز اردو بک فیئرکا اہتمام کیا گیا ہے. کشمیری طالب علموں نے ممتاز کشمیری بزرگ رہنما حریت کانفرنس کے چیئرمین سید علی گیلانی کو اس بک فیئر میں مہمان خصوصی کے طور پر دعوت دی ہے. اس بک فیئر میں‌سید علی گیلانی دن گیارہ بجے تقریب سے خطاب کریں گےاور اردو زبان کی اہمیت پر گفتگو بھی کریں گے.

سید علی گیلانی کے ترجمان نے بتایا کہ سید علی شاہ گیلانی نے تمام تر مصروفیات کے کشمیری طلبا کی اردو زبان سے متعلق تقریب میں شرکت کرنے کی حامی بھر لی .سید علی شاہ گیلانی صبح 10 بجے کشمیر یونیورسٹی کے لیے اپنی رہائش گاہ سے قافلے کی صورت میں روانہ ہوں گے اور مقبوضہ کشمیر میں اردو زبان کے حوالے سے اہم لیکچر بھی دیں گے.